អ្នកនាំពាក្យម្នាក់របស់ពួកឧទ្ទាមលីប៊ីរាយការណ៍កាលពីថ្ងៃទី១៧ សីហា ថា ពួកឧទ្ទាមវាយដណ្តើមយកបានទីក្រុងសាប្រា ថា ជាទីក្រុងមួយស្ថិតនៅចម្ងាយប្រមាណជា៨០គ.ម ខាងលិចក្រុងទ្រីប៉ូលី លើរណសិរ្សខាងលិច ។ លើរណសិរ្សខាងកើតគឺនៅក្រុងប្រេហ្គាពួកឧទ្ទាមល៊ីប៊ីដណ្តើមត្រួតត្រាសង្កាត់២ក្នុងចំណោមសង្កាត់
អ្នកនាំពាក្យម្នាក់របស់ពួកឧទ្ទាមលីប៊ីរាយការណ៍កាលពីថ្ងៃទី១៧ សីហា ថា ពួកឧទ្ទាមវាយដណ្តើមយកបានទីក្រុងសាប្រា ថា ជាទីក្រុងមួយស្ថិតនៅចម្ងាយប្រមាណជា៨០គ.ម ខាងលិចក្រុងទ្រីប៉ូលី លើរណសិរ្សខាងលិច ។
លើរណសិរ្សខាងកើតគឺនៅក្រុងប្រេហ្គាពួកឧទ្ទាមល៊ីប៊ីដណ្តើមត្រួតត្រាសង្កាត់២ក្នុងចំណោមសង្កាត់ប្រជាជនរស់នៅច្រើន៣នៃទីក្រុងប្រេងនេះ ហើយប្រយុទ្ធជាមួយកងកម្លាំងលោកកាដាហ្វីសម្រាប់ដណ្តើមយកបណ្តាសង្កាត់ឧស្សាហកម្ម ។ នេះជាការអះអាងរបស់វរសេនីយ៍ឯកអាម៉េដ អូម៉ា បានី អ្នកនាំពាក្យយោធារបស់ពួកឧទ្ទាមក្នុងឱកាសនៃសន្និសីទសារព័ត៌មានមួយនៅទីក្រុងបេនហ្គាហ្ស៊ីទីតាំងបង្អែករបស់ពួកឧទ្ទាមលីប៊ី ។
ទូរទស្សន៍លីប៊ី LIBYA TV ត្រួតត្រាដោយពួកឧទ្ទាមរាយការណ៍ថា ក្នុងថ្ងៃទី១៦ សីហា តែមួយគត់យុទ្ធជនឧទ្ទាម២៦នាក់ ត្រូវស្លាប់ និងជាង៤០នាក់ទៀតត្រូវរបួសក្នុងការប្រយុទ្ធគ្នា នានាក្នុងទីក្រុងប្រេហ្គា ពិសេសស្លាប់ដោយពួកខ្មាន់កាំភ្លើងដៃត្រង់ ។
លោកបានីក៏វាយតម្លៃផងដែរថា ពាក្យសម្តីទាំងឡាយរបស់អ្នកនាំពាក្យរដ្ឋាភិបាលលីប៊ីពីរឿងត្រួតត្រាទាំងស្រុងលើក្រុងប្រេហ្គា និងក្រុង ហ្សាវីយ៉ានោះ ជាពាក្យភូតកុហកទាំងស្រុង ។ លោកបន្តថា ពួកឧទ្ទាមលីប៊ីបានលុកចូលទីក្រុងហ្សាវីយ៉ាស្ថិតនៅចម្ងាយ៤០គ.ម ខាងលិចក្រុងទ្រីប៉ូលីបន្ទាប់ពីការប្រយុទ្ធគ្នាយ៉ាងសាហាវនានាជាមួយកងកម្លាំងលោកកាដាហ្វីកាលពីថ្ងៃទី១៣ សីហា កន្លងមកនេះ ហើយបច្ចុប្បន្នក្រុងហ្សាវីយ៉ា ស្ថិតក្រោមការត្រួតត្រារបស់កងកម្លាំងបដិវត្តន៍យើង ។
ម្យ៉ាងទៀតពួកឧទ្ទាមបានកំណត់ផែនទីបង្ហាញផ្លូវថ្មីសម្រាប់ក្រោយរបបលោកកាដាហ្វី គឺការប្រកាសរដ្ឋធម្មនុញ្ញដែលគ្រោងប្រគល់អំណាចឱ្យសភាមួយដែលជ្រើសតាំងក្នុងរយៈពេលតិចជាង១ឆ្នាំ ហើយអនុម័តរដ្ឋធម្មនុញ្ញថ្មី ៕
ចែករំលែកព័តមាននេះ