សង្គ្រាមអ៉ីរ៉ង់ ៖ មន្ទីរប៉ង់តាហ្គោនគូសបញ្ជាក់ កាលពីថ្ងៃទី១៩ វិច្ឆិកា ថា សង្គ្រាមនៅអ៉ីរ៉ង់ សហរដ្ឋអាមេរិកចំណាយប្រាក់អស់ដល់ទៅ៤៨,៣ពាន់លានដុល្លារ ។ ទំហំទឹកប្រាក់នោះនៅមិនទាន់រាប់បញ្ចូលថ្លែជួសជុលបណ្ដាមូលដ្ឋានយោធាអាមេរិក ដែលរងការខូចខាតនៅមជ្ឈឹមបូព៌ានៅឡើយផងទេ ។

ចាប់តាំងពីការវាយប្រហារដំបូងៗរបស់អាមេរិកលើអ៉ីរ៉ង់ពីខែកុម្ភៈ មក តម្លៃនៃសង្គ្រាមនោះសម្រាប់សហរដ្ឋអាមេរិក ពេលនេះបានឡើងដល់ជាង៤៨ពាន់លានដុល្លារ ។ លោក ARTHUR MILLER អ្នកទទួលខុសត្រូវខាងហិរញ្ញវត្ថុរបស់មន្ទីរប៉ង់តាហ្គោន បានបង្ហាញការវាយតម្លៃនេះដល់ព្រឹទ្ធសភា កាលពីថ្ងៃទី១៩ វិច្ឆិកា ។ លោកថ្លែងថា គិតមកដល់ថ្ងៃទី១៣ វិច្ឆិកា ទឹកប្រាក់ចំណាយនោះកើនដល់៤៨,៣ពាន់លានដុល្លារ ។

ការិយាល័យថវិការបស់សភាធ្លាប់វាយតម្លៃពីការចំណាយនោះថា មានទំហំ៣៨ពាន់លានដុល្លារ មកដល់ថ្ងៃទី១ សីហា ។ នៅក្នុងព្រឹទ្ធសភា លោកARTHUR MILLER បញ្ជាក់ពីការវាយតម្លៃថ្មីនៃការចំណាយរបស់មន្ទីរប៉ង់តាហ្គោន ។ ទឹកប្រាក់ទាំងនោះរួមបញ្ចូលការចំណាយលើគ្រាប់រំសេវ តម្លៃនៃការផ្លាស់ប្ដូរបណ្ដាឧបករណ៍ និងការចំណាយលើប្រតិបត្តិការ ៕

ចែករំលែកព័តមាននេះ