កម្មវិធីខួបកំណើតកំពុងសប្បាយៗផង ស្រាប់តែអ្នកជិតខាងម្នាក់ស្រវឹ.ងជិះម៉ូតូចូលបង្ករឿង ផ្អើលភ្ញៀវរត់ជា.ន់ជើងគ្នាទាំងយប់
- ភ្នំពេញ
រាជធានីភ្នំពេញ ៖ បុរសម្នាក់ជាអ្នករស់នៅក្នុងភូមិផងរបងជាមួយគ្នា ខណៈពេលឃើញអ្នកភូមិកំពុងធ្វើកម្មវិធីខួបកំណើត ស្រាប់តែបុរសរូបនោះបានជិះម៉ូតូចូលទៅរករឿងហើយវាយភ្ញៀវ រត់ជាន់ជើងគ្នា ផ្អើលដល់សមត្ថកិច្ចចុះអន្តរាគមន៍ឃាត់ខ្លួនយកទៅសួរនាំ ។
ករណីខាងលើបង្កឲ្យមានការភ្ញាក់ផ្អើលកាលពីម៉ោង១១យប់ថ្ងៃទី១៤ ខែវិច្ឆិកា ឆ្នាំ២០២៦ នៅចំណុចជិតទីលានចាក់សំរាមស្ទឹងមានជ័យ ភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
ប្រភពព័ត៌មានពីម្ចាស់កម្មវិធី ក៍ដូចជាភ្ញៀវកិត្តិយសដែលបានចូលរួមក្នុងកម្មវិធីខួបកំណើត ដោយមានភ្ញៀវប្រុសស្រីជាច្រើននាក់កំពុងតែសប្បាយក្នុងកម្មវិធីផងនោះ ក៍ស្រាប់តែមួយសន្ទុះក្រោយមកមានបុរសម្នាក់ជាជនបង្ក ហើយក៍ជាអ្នករស់នៅក្នុងភូមិជាមួយគ្នា បានជិះម៉ូតូហុងដាឌ្រីម មួយគ្រឿងទំនងជាស្រវឹង បានចូលទៅក្នុងកម្មវិធី ហើយរករឿងទះកំផ្លៀងទៅលើភ្ញៀវប្រុសម្នាក់ ដោយមិនមានមូលហេតុនោះទេ ។
ប្រភពបន្តទៀតថា ដោយឃើញបាតុភាពនេះហើយ ម្ចាស់ផ្ទះស្រីបានទៅឃាត់សួរនាំ ស្រាប់តែបុរសរូបនោះបានប្រើហិង្សាដាក់ទៅលើស្ត្រីនោះថែមទៀត ទើបបង្កជាការភ្ញាក់ផ្អើលឆោឡោ និងបានរាយការណ៍ ជូនសមត្ថកិច្ចមូលដ្ឋាន ប៉ុស្តិ៍នគរបាលរដ្ឋបាលស្ទឹងមានជ័យទី២ ចុះទៅការឃាត់ខ្លួន យកទៅសួរនាំនៅប៉ុស្តិ៍នគរបាលរដ្ឋបាលស្ទឹងមានជ័យទី២ផងដែរ ។
ករណីនេះផងដែរ ជនរងគ្រោះ ក៍ដូចជាម្ចាស់កម្មវិធីបានទៅដាក់ពាក្យបណ្ដឹង អោយសមត្ថកិច្ចចាត់ការលើបុរសរូបនោះតាមនិតិវិធី ៕




ចែករំលែកព័តមាននេះ