ADផ្ទាំងផ្សព្វផ្សាយពាណិជ្ជកម្ម

Picture

ទាំងវិស័យការពារជាតិ ពន្ធដារ ថាមពល សុខាភិបាល និងទីផ្សារបោះដុំ! កម្ពុជា-បារាំង បោះជំហានដ៏ធំមួយទៀតហើយ តាមរយៈការចុះហត្ថលេខាលើឯកសារសំខាន់ៗ ២៩ ជាផ្លូវការ

12 ម៉ោង មុន
  • ភ្នំពេញ

រាជធានី​ភ្នំពេញ ៖ ២៩ ឯកសារ​ជា​ប្រវត្តិសាស្ត្រ​! សម្តេច​បវរ​ធិ​បតី ហ៊ុន ម៉ា​ណែ​ត និង​ប្រធានាធិបតី​បារាំង Emmanuel Macron អញ្ជើញ​ជា​សហ​អធិបតី​ក្នុង​ពិធី​ចុះហត្ថលេខា​លើ​ឯកសារ​កិច្ច​សហប្រតិបត្តិការ​សំខាន់​ៗ​ជា​ច្រើន ដើម្បី​ពង្រឹង​ទំនាក់ទំនង​ទ្វេភាគី ។

ជាក់ស្តែង​សម្តេច​បវរ​ធិ​បតី ហ៊ុន ម៉ា​ណែ​ត បាន​ប្រកាស​នា​យប់​ថ្ងៃ​ទី​១៥ ខែវិច្ឆិកា​នេះ​ថា ៖ ចូលរួម​ជា​សហ​អធិបតី​ជាមួយ ឯកឧត្តម Emmanuel MACRON ប្រធានាធិបតី​នៃ​សាធារណរដ្ឋ​បារាំង ក្នុង​ពិធី​ចុះហត្ថលេខា លើ​ឯកសារ​ចំនួន​២៩ រួម​មាន ៖

១-​កិច្ចព្រមព្រៀង​ពន្ធដារ​ទ្វេភាគី​។
២-​កិច្ចព្រមព្រៀង​អន្តររដ្ឋាភិបាល​ស្តី​ពី​កិច្ច​សហប្រតិបត្តិការ​ក្នុង​វិស័យ​ការពារ​ជាតិ និង​លក្ខន្តិកៈ​កងកម្លាំងប្រដាប់អាវុធ​។
៣-​សេចក្តី​ប្រកាស​បំណង​ស្តី​ពី​ការ​គាំទ្រ និង​ការ​រៀបចំ​រចនាសម្ព័ន្ធ​វិជ្ជាជីវៈ​បេតិកភណ្ឌ​។
៤-​ឯកសារ​ស្តី​ពី​ការ​ប្តេជ្ញា​ចិត្ត​ចំពោះ​គម្រោង​ស្ថានីយ​បញ្ជូន និង​រក្សា​ថាមពលវារីអគ្គីសនី​។
៥-​សេចក្តី​ប្រកាស​បំណង​ស្តី​ពី​ការ​បង្កើត​យន្តការ​ស្រាវជ្រាវ​សុខភាព​សាធារណៈ​។
៦-​កិច្ចសន្យា​បង្កើត​ទីផ្សារ​បោះ​ដុំ​។
រួម​នឹង​ឯកសារ​អនុស្សរណៈ​នៃ​ការ​យោគយល់​គ្នា​ពាក់ព័ន្ធ​នឹង​វិស័យ​សាធារណៈ និង​ឯកជន​ផ្សេង​ៗ​ទៀត​ចំនួន​២៣ ។