ទីក្រុងហាណូយ ៖ រដ្ឋសភាជាតិវៀតណាមបានកំណត់គោលដៅកំណើនសេដ្ឋកិច្ចយ៉ាងហោចណាស់ ១០% ក្នុងឆ្នាំ ២០២៧ ដោយរំពឹងថា ផលិតផលក្នុងស្រុកសរុប ឬ GDP សម្រាប់មនុស្សម្នាក់ នឹងឈានដល់ប្រហែល ៦ ១០០ ដុល្លារអាមេរិក។ នេះបើតាមការចេញផ្សាយពីសារព័ត៌មាន Vietnam Express (VnExpress) និង Vietnam News។
អង្គនីតិប្បញ្ញត្តិបានអនុម័តសេចក្តីសម្រេចស្តីពីផែនការអភិវឌ្ឍន៍សេដ្ឋកិច្ច និងសង្គមឆ្នាំ ២០២៧ កាលពីថ្ងៃទី៧ ខែវិច្ឆិកា ជាមួយសម្លេងគាំទ្រពីសមាជិកសភាជាង ៩៣,៤%។ ផែនការដ៏មានមហិច្ឆតានេះ ត្រូវបានអនុម័តដើម្បីជម្រុញការអភិវឌ្ឍន៍សេដ្ឋកិច្ច-សង្គមឱ្យមានការឈានមុខ និងបំបែកកំណត់ត្រាថ្មី។
ក្រោមសេចក្តីសម្រេចនេះ វៀតណាមមានគោលបំណងសម្រេចឱ្យបានកំណើនសេដ្ឋកិច្ចយ៉ាងហោចណាស់ ១០% នៅឆ្នាំក្រោយ ស្របពេលរក្សាអត្រាអតិផរណាឱ្យស្ថិតក្នុងរង្វង់ ៤,៥%។ សេចក្តីសម្រេចនេះ ក៏បានអំពាវនាវដល់រដ្ឋាភិបាល ឱ្យបន្តផ្តល់អាទិភាពលើកំណើនសេដ្ឋកិច្ច ព្រមទាំងរក្សាស្ថិរភាពម៉ាក្រូសេដ្ឋកិច្ច គ្រប់គ្រងអតិផរណា និងធានាបាននូវតុល្យភាពសេដ្ឋកិច្ច ឬវិស័យសំខាន់ៗផងដែរ។
ដើម្បីសម្រេចបាននូវគោលដៅដ៏ធំធេងនេះ រដ្ឋាភិបាលវៀតណាមផ្តោតលើការកែទម្រង់ស្ថាប័ន, ការជម្រុញផលិតភាពពលកម្ម, ស្ថិរភាពម៉ាក្រូសេដ្ឋកិច្ច និងការបង្កើនល្បឿនវិនិយោគលើហេដ្ឋារចនាសម្ព័ន្ធធំៗ ដូចជា គម្រោងផ្លូវរថភ្លើងល្បឿនលឿនភាគខាងជើង-ខាងត្បូង, ផ្លូវល្បឿនលឿន និងព្រលានយន្តហោះអន្តរជាតិ Long Thanh ជាដើម៕
ចែករំលែកព័តមាននេះ