ពូកែណាស់ ខាងប្រមូលលុយខែ ឯសំរាមទុកចោលស្អុ.យពេញក្រុងដូនកែវ
- តាកែវ
ខេត្តតាកែវ ៖ ជាច្រើនឆ្នាំណាស់មកហើយៗក៏ឆ្លងអភិបាលក្រុង និងខេត្តមិនតិចនាក់ផងដែរ ដែលលោកស្រីលឹម សុខា មានសិទ្ធិផ្តាច់មុខប្រមូលសំរាមនៅតាមផ្ទះរបស់ប្រជាពលរដ្ឋ ក៏ដូចនៅតាមសួនច្បារសាធារណ:នៅក្រុងដូនកែវ ខេត្តតាកែវនោះ។
ទន្ទឹមនឹងមានសិទ្ធិផ្តាច់មុខក្នុងការប្រមូលសំរាមតាមផ្ទះរបស់ប្រជាពលរដ្ឋដើម្បីយកលុយប្រចាំខែបែបនេះក៏ដោយ ក៏ក្រុមហ៊ុនឯកជនមួយនេះត្រូវបានប្រជាពលរដ្ឋបានធ្វើការរិះគន់យ៉ាងខ្លាំងដល់ក្រុមហ៊ុនប្រមូលសំរាមរបស់លោកស្រីលឹម សុខា នេះថាដាច់ខែមិនទាន់ទេគឺអោយកូនដើរទារលុយមុនហើយ ឯសំរាមនៅស្អុយពេញមុខផ្ទះ ។
ប្រជាពលរដ្ឋរស់នៅក្រុងដូនកែវបានគ្នានិយាយថាពួកគាត់បានដាក់ខែ ដោយក្នុង១ខែ១០០០០រៀល ជាមួយក្រុមហ៊ុនឯកជនរបស់លោកស្រីលឹម សុខា ដើម្បីអោយថ្លៃសំរាមរាប់ឆ្នាំមកហើយ តែការប្រមូលរបស់ក្រុមហ៊ុនមួយនេះមិនបានទៀងទាត់សោះ គឺសំរាមទុកចោលមុខផ្ទះចាប់ពី១អាទិត្យទៅកន្លះខែ ទើបឃើញឡានមកដឹកយកទៅចោល។
ក្រុមប្រជាពលរដ្ឋបានបន្តទៀតថា ពួកគាត់ពិតជាពិបាកខ្លាំងណាស់ ព្រោះសំរាម យើងប្រើប្រចាំថ្ងៃ ច្រកស្បោងទុកអោយមកដឹកយកទៅចោល គឺក្រុមហ៊ុនមិនបានដើរប្រមូលជាប្រចាំថ្ងៃឡើយ រហូតមានក្លិនស្អុយ ព្រោះរយៈពេល៧ថ្ងៃ និង១៥ថ្ងៃទៅហើយ រហូតស្អុយអាសោចិ៍ ទើបក្រុមហ៊ុនមកប្រមូលដឹកយកចោលម្តង អញ្ចឹងធ្វើអោយប៉ះពាល់ដល់សុខភាពរបស់កូនចៅយ៉ាងខ្លាំង ហើយបើទោះជាប្រជាពលរដ្ឋមានផលប៉ះពាលពីរឿងក្រុមហ៊ុនប្រមូលសំរាមនេះយ៉ាងណាក៏ដោយ ក៏មិនបានឃើញខាងមន្ទីរបរិស្ថានខេត្ត ឬអាជ្ញាធរក្រុងដូនកែវមានវិធានការដល់ក្រុមហ៊ុនប្រមូលសំរាមនេះឡើយ ដូចដឹងចិត្តគ្នា គឺទុកអោយគេធ្វើអ្វីៗស្រេចតែអំពើចិត្តដដែល។
ប្រជាពលរដ្ឋរស់នៅក្នុងក្រុងដូនកែវទាំងអស់គ្នា សូមសំណូមពរដល់ឯកឧត្តមវ៉ី សំណាង អភិបាលខេត្តតាកែវ ល្មមដល់ពេលរកក្រុមហ៊ុនប្រមូលសំរាមថ្មីមកប្រមូលជំនួសក្រុមហ៊ុនរបស់លោកស្រី លឹម សុខា ម្តងហើយ ដើម្បីប្រមូលសំរាមបានទាន់ពេលវេលា ។
ទាក់ទងនឹងក្រុមហ៊ុនឯកជនប្រមូលសំរាមរបស់លោកស្រីលឹម សុខា នេះកោះសន្តិភាពយើងបានទាក់ទងសុំការបំភ្លឺពីលោកឌឹម គឹមសាន អភិបាលក្រុងដូនកែវ តាមតេឡេក្រាមដែរ តែលោកមិនលើកឡើយ។ ចំណែកប្រធានមន្ទីរបរិស្ថានខេត្តយើងមិនអាចទាក់ទងបានឡើយ ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ