នាយករដ្ឋមន្ត្រីនេប៉ាល់លោកហ្សាឡាណាត ខាណាល់ បានសុំលាលែងចេញពីតំណែងកាលពីថ្ងៃទី១៤ សីហា ដោយសារអសមត្ថភាពរបស់បណ្តាគណបក្សនយោបាយពុំអាចឈានទៅធ្វើឱ្យសម្រេចបានកុងសង់ស៊ុលមួយលើដំណើរការសន្តិភាពនៅនេប៉ាល់។
នាយករដ្ឋមន្ត្រីនេប៉ាល់លោកហ្សាឡាណាត ខាណាល់ បានសុំលាលែងចេញពីតំណែងកាលពីថ្ងៃទី១៤ សីហា ដោយសារអសមត្ថភាពរបស់បណ្តាគណបក្សនយោបាយពុំអាចឈានទៅធ្វើឱ្យសម្រេចបានកុងសង់ស៊ុលមួយលើដំណើរការសន្តិភាពនៅនេប៉ាល់។
ទីប្រឹក្សាសារព័ត៌មានរបស់នាយករដ្ឋមន្ត្រីរូបនេះនិយាយថា លោកខាណាល់ ដែលដឹកនាំគណបក្សម៉ាក់ស៊ីស្ត ឡេនីនីស្តឯកភាព UML បានប្រគល់ពាក្យសុំលាលែងជូនចំពោះប្រធានាធិបតីនេប៉ាល់ លោករ៉ាមបារ៉ាន យ៉ាដាវ ក្រោយបរាជ័យនៃការចរចាដែលកំពុងធ្វើចាប់តាំងពីច្រើនថ្ងៃមកហើយជាមួយមេដឹកនាំនៃគណបក្សសំខាន់ដទៃៗទៀត។
ទីប្រឹក្សារូបនោះលោកស៊ូរិយា ថាប៉ាគូសបញ្ជាក់ប្រាប់ AFP ថា នាយករដ្ឋមន្ត្រីប៉ុនប៉ងជំរុញឱ្យមានកុងសង់ស៊ុលមួយរហូតដល់នាទីចុងក្រោយ ក៏ប៉ុន្តែបណ្តាគណបក្សពុំអាចសម្រេចបានការព្រមព្រៀងគ្នា លើការតាក់តែងរដ្ឋធម្មនុញ្ញមួយ និងលើដំណើរការសន្តិភាព ហេតុនេះហើយបានជាលោកសម្រេចសុំលាលែង។
លោកខាណាល់ ត្រូវបានសភាជ្រើសតាំងជាមួយនឹងការទ្រទ្រង់របស់ពួកម៉ៅនិយមនេប៉ាល់ធ្វើជានាយករដ្ឋមន្ត្រីកាលពីខែកុម្ភៈកន្លងមកនេះ។ ពួកម៉ៅនិយមដែលកាលពីមុនជាពួកឧទ្ទាមនោះពេលនេះក្លាយទៅជាកម្លាំងនយោបាយដ៏សំខាន់របស់នេប៉ាល់ក្រោយបញ្ចប់សង្គ្រាមស៊ីវិលកាលពីឆ្នាំ២០០៦ និងការលុបបំបាត់ចោលរបបរាជានិយម ៕
ចែករំលែកព័តមាននេះ