ក្នុងសេចក្តីប្រកាសមួយវិមានប្រធានាធិបតីបារាំង ELYSEE គូសបញ្ជាក់ថា ទាហានបារាំងម្នាក់ទៀតបានត្រូវស្លា.ប់កាលពីថ្ងៃទី១៤ សីហា នៅអាហ្វហ្គានីស្ថានដោយសារការបា.ញ់ប្រហាររបស់ពួកបះបោរក្នុងឱកាសនៃបេសកកម្មមួយជួយទ្រទ្រង់ដល់កងទ័ពជាតិអាហ្វហ្គានីស្ថាននៅខេត្តកាពីសា(ភាគនិរតី)។ ទាហានដែលស្លា.ប់នោះ គឺជាអនុសេនីយ៍ទោ
ក្នុងសេចក្តីប្រកាសមួយវិមានប្រធានាធិបតីបារាំង ELYSEE គូសបញ្ជាក់ថា ទាហានបារាំងម្នាក់ទៀតបានត្រូវស្លាប់កាលពីថ្ងៃទី១៤ សីហា នៅអាហ្វហ្គានីស្ថានដោយសារការបាញ់ប្រហាររបស់ពួកបះបោរក្នុងឱកាសនៃបេសកកម្មមួយជួយទ្រទ្រង់ដល់កងទ័ពជាតិអាហ្វហ្គានីស្ថាននៅខេត្តកាពីសា(ភាគនិរតី)។ ទាហានដែលស្លាប់នោះ គឺជាអនុសេនីយ៍ទោម្នាក់នៃកងវរសេនាធំទី១៥២របស់កងទ័ពជើងគោកបារាំង COLMAR ។
ការស្លាប់របស់ទាហានបារាំងម្នាក់នេះទៀតធ្វើឱ្យចំនួនទាហានបារាំងស្លាប់នៅអាហ្វហ្គានីស្ថានឡើងដល់៧៤នាក់ហើយតាំងពីដំណាច់ឆ្នាំ២០០១មក។ ទាហានបារាំង១១នាក់បានត្រូវស្លាប់ក្នុងខែកក្កដា តែមួយគត់ដោយថ្ងៃទី១៤ កក្កដា គឺជាទិវាខ្មៅមួយ ព្រោះមានទាហានបារាំងស្លាប់ដល់ទៅ៧នាក់។
វិមានប្រធានាធិបតីបន្តថា ដោយក្តីក្រៀមក្រំបំផុតដែលប្រធានាធិបតីនៃសាធារណរដ្ឋបានជ្រាបពីការស្លាប់របស់អនុសេនីយ៍ទោរូបនោះនៅអាហ្វហ្គានីស្ថាន។ ប្រមុខរដ្ឋបានសម្តែងការចូលរួមមរណទុក្ខ និងចូលរួមការឈឺចាប់ជាមួយគ្រួសារសពទាហានរូបនេះ។ ដោយសារទាហានបារាំងនៅអាហ្វហ្គានីស្ថានទទួលរងការបាត់បង់មនុស្សកាន់តែច្រើនឡើងគណបក្សសង្គមនិយមបារាំងបានស្នើឱ្យមានការផ្លាស់ប្តូរយុទ្ធសាស្ត្រមួយ ៕
ចែករំលែកព័តមាននេះ