ត្រឹម១សប្តាហ៍! ភ្ញៀវទេសចរជាតិ និងអន្តរជាតិ ជិត៥ម៉ឺននាក់ មកលេងកម្សាន្ត នៅក្នុងខេត្តកំពង់ស្ពឺ
- កំពង់ស្ពឺ
ខេត្តកំពង់ស្ពឺ៖ ត្រឹមតែរយៈពេលមួយសប្តាហ៍ប៉ុណ្ណោះ ភ្ញៀវទេសចរណ៍ជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៍ទេសចរណ៍ នានានិងស្នាក់នៅក្នុងភូមិសាស្ត្រខេត្តកំពង់ស្ពឺប្រមាណជិត៥ម៉ឺននាក់។
នេះបើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ នៅថ្ងៃទី៥ ខែតុលា ឆ្នាំ២០២៦។
របាយការណ៍របស់មន្ទីរទេសចរណ៍ខេត្តកំពង់ស្ពឺដដែល គិតចាប់ពីថ្ងៃទី២៨ ខែកញ្ញា ដល់ថ្ងៃទី៤ ខែតុលា ឆ្នាំ២០២៦ ភ្ញៀវទេសចរណ៍សរុបចំនួន៤៩,៥៦៥នាក់ ភ្ញៀវទេសចរណ៍ជាតិ និង អន្តរជាតិ(ស្នាក់នៅ) ចំនួន ២,៩៥០នាក់ ភ្ញៀវទេសចរណ៍ និងប្រជាពលរដ្ឋ ដើរកម្សាន្តវិលល្ងាច ចំនួន៤៦,២៥០នាក់ និងភ្ញៀវ ទេសចរណ៍បរទេសចំនួន៣៦៥នាក់ផងដែរ។
ចំណែកសន្តិសុខ សណ្តាប់ធ្នាប់ មានលក្ខណៈល្អប្រសើរ គ្មានអ្វីគួរឱ្យកត់សម្គាល់នោះទេ ហើយចំពោះការលក់ដូរ ម្ហូប ចំណីអាហារ នៅតាមសហគមន៍ និងតំបន់ទេសចរណ៍ផ្សេងៗ មានតម្លៃសមរម្យ៕
ចែករំលែកព័តមាននេះ