សហរដ្ឋអាមេរិក ៖ ស្ត្រីអ្នកទោសប្រហារជីវិតម្នាក់ ឈ្មោះ CHRISTA PIQE នៅតែមានដង្ហើមដក ក្រោយពីទទួលការចាក់ថ្នាំប្រហារជីវិត២លើក កាលពីថ្ងៃទី៣០ កញ្ញា នៅរដ្ឋតេននេស៊ី ។ បន្ទាប់ពីរឿងបែបនោះមក រដ្ឋនេះបានផ្អាកការប្រហារជីវិតស្ត្រីនោះ និងឲ្យបើកការស៊ើបអង្កេតមួយ ។ ប៉ុន្តែទោះបីយ៉ាងណា អភិបាលរដ្ឋនេះ នៅតែទាមទារឲ្យប្រហារជីវិតរួបគេ ដែលជាឃាតករសម្លាប់មនុស្សពេលរូបនាងមានអាយុ១៨ឆ្នាំ ។
CHRISTA PIQE ស្ថិតក្នុងស្ថានភាពដុនដាប កាលពីថ្ងៃទី១ តុលា បន្ទាប់ពីបរាជ័យក្នុងការប្រហារជិវិតរូបគេនៅរដ្ឋតេននេស៊ី ។ ស្ត្រីអ្នកទោសប្រហារជីវិតអាយុ៥០ឆ្នាំរូបនេះ កាលពីថ្ងៃទី៣០ កញ្ញា នៅរស់រានមានជីវិត ក្រោយទទួលការចាក់ថ្នាំផ្ដាច់សង្ខា២លើក។ នោះជាការប្រហារជីវិតស្ត្រីអ្នកទោសលើកដំបូងគេ ពុំធ្លាប់មានចាប់តាំងពីជាង២០០ឆ្នាំមកហើយនៅរដ្ឋនោះ ។
មេធាវីរបស់ស្ត្រីអ្នកទោសនោះ លោករ៉ានឌីស្ពីវេ ដែលស្នើដល់អភិបាលរដ្ឋឲ្យលែងប្រហារជីវិតនារីនោះថ្លែងថា អ្វីដែលគេបានប្រាប់យើង គឹថាស្ត្រីរូបនោះកំពុងស្ថិតក្នុងស្ថានភាំពដុនដាបខ្លាំង ។ ស្នងការសិទ្ធិមនុស្សអ.ស.បលោកវ៉ុលគ័រ ក៏អំំពាវនាវដែរដល់រដ្ឋតេននេស៊ី ឲ្យបោះបង់ចោលជាស្ថាពរការប្រហារជីវិតស្ត្រីរូបនោះ ដោយលើកឡើងពីការឈឺចាប់យូរទាំងផ្លូវកាយទាំងផ្លូវចិត្ត មកពីការប៉ុនប៉ងប្រហារជីវិតច្រើនលើកមិនបានសម្រេច ។
ប្រធានាធិបតីអាមេរិក លោកដូណាល់ត្រាំ ក៏មានប្រតិកម្មដែរ ចំពោះការប្រហារជីវិតស្ត្រីរូបនោះមិនបានសម្រេច ដោយលោកវាយតម្លៃថា រឿងនេះគ្មានអ្វីពិបាកឡើយ ក្នុងការអនុវត្តការប្រហារជីវិតដោយចាក់ថ្នាំមរណៈ ៕
ចែករំលែកព័តមាននេះ