រាជធានីភ្នំពេញ ៖ លោក ហេង រតនា បានសរសេរផ្ដាំផ្ញើសារយ៉ាងធ្ងន់ៗ និងមានអត្ថន័យជ្រាលជ្រៅថា ៖ អ្នកដែលវង្វេងជាតិ និងមានចិត្តវៀចវេរ ក្បត់សាសន៍ឯង គឺបណ្ដាលមកពីការគាំទ្រខ្មាំងសត្រូវដែលមកឈ្លានពាន។
លោក ហេង រតនា អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានប្រកាសនាព្រឹកថ្ងៃទី២ ខែតុលានេះថា ពួកឈ្លានពានបានទម្លាក់គ្រាប់បែក និងបាញ់កម្ទេចប្រាសាទព្រះវិហារដូនតាខ្មែរ ដែលជាមរតកដ៍មហាសាល និងជាបេតិកភណ្ឌពិភពលោក ។
លោក ហេង រតនា អគ្គនាយកស៊ីម៉ាកបានបន្ថែមថា ក្នុងស្មារតីប្រយុទ្ធការពារ កូនខ្មែរគ្រប់រូបមិនថា ស្ថិតក្នុងនិន្នាការនយោបាយណា និងអង្គការចាត់តាំងណាទេ ត្រូវតែមានកាតព្វកិច្ចដាច់ខាត ចូលរួមការពារបូរណភាពទឹកដី ជាពិសេសប្រាសាទព្រះវិហារដ៏កំសត់របស់យើង ។
លោកបានបន្តថា ដូចនេះអ្នកណាគាំទ្រខ្មាំងសត្រូវ ដែលឈ្លានពានកាន់កាប់បូរណភាពទឹកដីខ្មែរ បំផ្លិចបំផ្លាញផ្ទះសំបែង ភូមិករប្រជាជន សម្លា.ប់វរកងទ័ព/ប្រជាជន និងកម្ទេចប្រាសាទខ្មែរយើង បុគ្គលនោះ ពិតជាជនវង្វេងជាតិ វៀចចិត្តក្បត់ជាតិសាសន៍ឯងហើយ ៕
ចែករំលែកព័តមាននេះ