យេម៉ែន-អារ៉ាប៊ីសាអូឌីត ៖ អារ៉ាប៊ីសាអ៊ូឌីតប្រកាស កាលពីថ្ងៃទី២៦ កញ្ញា ថា បានស្ទាក់កម្ទេចបណ្ដាដ្រូន និងមីស៊ីលដែលបាញ់ចេញដោយពួកឧទ្ទាមហ៊ូធីស្និទ្ធិអ៉ីរ៉ង់សំដៅដែនដីខ្លួន ពេលកំពុងមានការកើនឡើងនៃការប្រទូស្តរ៉ាយគ្នារវាងភាគីទាំង២។
លោកតួកគីអាល់ម៉ាលីគីអ្នកនាំពាក្យរបស់ក្រុមចម្រុះយោធា នាំមុខដោយអារ៉ាប៊ីសាអូឌីត ថ្លៃងនាថ្ងៃទី២៦ កញ្ញា ថា កងកម្លាំងចម្រុះនោះបានត្រួតពិនិត្យ និងតាមដានការគំរាមកំហែងដោយមីស៊ីល និងដ្រូនដែលពួកហ៊ូធីវាយប្រហារអារ៉ាប៊ីសាអូឌីត។ អ្នកនាំពាក្យរូបនោះបន្តទៀតថា កងការពារអាកាសបានបាញ់ទម្លាក់ដ្រូន២គ្រឿងបញ្ជូ្ជនដោយពួកហ៊ូធីសំដៅតំបន់ទីក្រុងរីយ៉ាដ ព្រមទាំងមីស៊ីលបាលីស្ទិក២គ្រាប់ ដែលបាញ់សំដៅទីក្រុងខាមីសមូសាអ៊ីត ភាគនិរតី់អារ៉ាប៊ីសាអូឌីត ។
ពួកហ៊ូធីបានហ៊ុមព័ទ្ធផ្លូវសមុទ្រប្រឆាំងអារ៉ាប៊ីសាអូឌីត កាលពីខែកក្កដា ហើយចាប់តាំងពីពេលនោះមក បង្កើនការវាយប្រហារលើបណ្ដាទីក្រុងអារ៉ាប៊ីសាអូឌីត និងលើបណ្ដានាវាពាណិជ្ជកម្ម ដែលបង្កើនថែមទៀតភាពតានតឹងនៅមជ្ឈឹមបូព៌ា ។ ពួកហ៊ូធីវាយប្រហារដោយមីស៊ីលបាលីស្ទិក និងដ្រូនសំដៅលើបណ្ដាទីបញ្ជាការដ្ឋានកងទ័ព និងបណ្ដាឃ្លាំងអាវុធ នៅភាគខាងត្បូងអារ៉ាប៊ីសាអូឌីត ។ ពួកហ៊ូធីក៏អះអាងដែរ ពីការវាយប្រហារប្រឆាំងបណ្ដាទីតាំងប្រេងរបស់ក្រុមហ៊ុនយក្សអារ៉ាប៊ីសាអីឌីត ARAMCO នៅយ៉ានប៊ូ និងទីតាំងប្រេងមួយទៀតនៅជិតទីក្រុងរីយ៉ាដ ។
អារ៉ាប៊ីសាអូឌីតបានតបតវិញតាមរយៈការវាយប្រហាររបស់ខ្លួនផ្ទាល់ តែមិនអាចរារាំងការវាយកាន់កាប់របស់ពួកហ៊ូធីនូវដែនដីយេម៉ែនកាន់តែធំ ។ កាលពីថ្ងៃទី២៥ កញ្ញា ពួកហ៊ូធីអះអាងថា កងយន្តហោះប្រយុទ្ធអារ៉ាប៊ីសាអូឌីតបានវាយប្រហារតាមអាកាស១៤លើក ព្រមទាំងដោយមីស៊ីលរយៈពេល២៤ម៉ោងចុងក្រោយនេះ ប្រឆាំងតំបន់តាតាអ៊ីស អាមរ៉ាន ម៉ារីប និងសាអាដានៅយេម៉ែន។ការប៉ះទង្គិចគ្នាក៏នៅបន្តដែរជុំវិញទីក្រុងតៃអ៊ីប ។
ពួកឧទ្ទាមហ៊ូធីយេម៉ែន កាលពីថ្ងៃទី២២ កញ្ញាបានចោទប្រកាន់អារ៉ាប៊ីសាអូឌីតថា វាយប្រហារបង្ហូរឈាមប្រឆាំងកំពង់ផែមួយនៅសមុទ្រក្រហម ។ កងកម្លាំងឧទ្ទាមដ៏ខ្លាំងនោះ ដណ្ដើមត្រួតត្រាលើច្រកសមុទ្រ BAB EL MANDEB ជាច្រកសមុទ្រយុទ្ធសាស្ត្រមួយ សម្រាប់ការដឹកប្រេង ឬឧស្ន៍នផ្គត់ផ្គង់ដល់ពិភពលោកពិសេស ការដឹកប្រេងរបស់អារ៉ាប៊ីសាអូឌីត។ ពួកហ៊ូធីធ្លាប់បានគំរាមអាមេរិកបើធ្វើអន្តរាគមន៍ជួយអារ៉ាប៊ីសាអូឌីត តាមរយៈការវាយប្រហារនានា ឬជួយទ្រទ្រង់ខាងអាកាស ដោយចាត់ទុករាល់ផលប្រយោជន៍អាមេរិកនៅជុំវិញប្រទេសខ្លួនថា ជាគោលដៅវាយប្រហារ។ ពួកហ៊ូធីចាត់ទុកជាខ្សែបន្ទាត់ក្រហម ការធ្វើអន្តរាគមន៍ជាយថាហេតុរបស់អាមេរិកនៅច្រកសមុទ្រ្ BAB EL MANDEB ៕
ចែករំលែកព័តមាននេះ