សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២៦ កញ្ញា បានបដិសេធផែនការដាក់ដោយអ៉ីរ៉ង់ ដើម្បីរយៈពេល៧ថ្ងៃទៀតបើកច្រកសមុទ្រហ័រមូសឡើងវិញ ។ នៅមុខសារព័ត៌មានពេលចេញពីសេតវិមានលោកត្រាំថ្លែងថា ខ្ញុំបដិសេធសំណើអ៉ីរ៉ង់នោះ ដោយអះអាងថា បណ្ដាមេដឹកនាំអ៉ីរ៉ង់ ចង់បានកិច្ចព្រមព្រៀងនោះ ព្រោះពួកគេកំពុងតែចាញ់ ។ សេចក្ដីសម្រេងនោះ កើតមានខណៈលោកត្រាំគ្រោងនាពេលខាងមុខនេះ វាយប្រហារអ៉ីរ៉ង់ជាថ្មី ។ តាមកាសែតអាមេរិក WALL SRTEET JOURNAL ថា លោកត្រាំបានគូសបញ្ជាក់ប្រាប់ដល់បណ្ដាទីប្រឹក្សារបស់លោកថា លោកគ្រោងវាយប្រហារឡើងវិញលើអ៉ីរ៉ង់ ក្រោយការបោះឆ្នោតសភាអាមេរិកពាក់កណ្ដាលអាណត្តិនាខែវិច្ឆិកាខាងមុខនេះ ។
អ៉ីរ៉ង់ប្រកាស កាលពីថ្ងៃទី២៥ កញ្ញា ថា បានដាក់សំណើមួយដល់អាមេរិក ដើម្បីបែកឡើងវិញច្រកសមុទ្រហ័រមូស៧ថ្ងៃទៀត។ ប្រមុខការទូតអ៉ីរ៉ង់លោកអាប់បាស់ម៉ារ៉ាសជីនៅទីស្នាក់ការអ.ស.បក្រុងញូវយ៉កថ្លែងថា ការជ្រើសរើសនាពេលនេះ ស្ថិតលើ
អាមេរិក ។ បណ្ដាវិធានការដែលអាមេរិកត្រូវចាត់ពុំមានអ្វីថ្មីឡើយ និងមានចែងរួចស្រេចកុ្នងពិធីសារនៃកិច្ចព្រមព្រៀង ចុះហត្ថលេខាកាលពីខែមិថុនាជាមួយក្រុងវ៉ាស៊ីនតោន ។
អ៉ីរ៉ង់ឲ្យដឹង នាថ្ងៃទី២៧ កញ្ញា ថា ខ្លួននៅតែរក្សាលក្ខខណ្ឌ សម្រាប់បើកច្រកសមុទ្រហ័រមូសឡើងវិញ ក៏ទោះបីលោកដូណាល់ត្រាំបដិសេធផែនការមួយក្នុងន័យនេះក៏ដោយចុះ។ រដ្ឋមន្ត្រីការបរទេសអ៉ីរ៉ង់ថ្លែងថា លក្ខខណ្ឌរបស់យើងច្បាស់លាស់បំផុតហើយចលនា ឆ្ពោះទៅរកការបើកច្រកសមុទ្រហ័រមូសឡើងវិញ ពឹងលើការបំពេញលក្ខខណ្ឌទាំងនោះ។ យើងមិនដែលបិទទ្វារការទូតឬការចរចាឡើយ តែទន្ទឹមនឹងនេះ ដាច់ខាតយើងក៏មិនបោះបង់បណ្ដាសិទ្ធិរបស់យើងដែរ ។
ប្រធានាធិបតីអ៉ីរ៉ង់លោកម៉ាស៊ូដ ប៉េហ្សេស្គី យ៉ាន់ធ្លាប់បញ្ជាក់ថា សំណើនោះត្រូវបានរៀបចំ ដោយមានការសម្របសម្រួល ជាមួយមេដឹកនាំកំពូលអ៉ីរ៉ង់លោកម៉ូស្តាបាខាមេនី និងថា ក្រុមមួយមានមនុស្ស៦នាក់ និងមានអំណាចធ្វើសេចក្ដីសម្រេចនានា ត្រូវបានបង្កើតឡើង ។
អាមេរិកបានផ្អាកវាយប្រហារដែនដីអីុរ៉ង់ ចាប់តាំងពីថ្ងៃទី១កញ្ញាមកពេលការវាយប្រហារមួយចំនួន បណ្ដាលជាពិសេសឲ្យមនុស្សស្លាប់៥នាក់ និងរបួសច្រើនសិបនាក់ ក្នុងពិធីការមួយនាភាគនិរតីប្រទេស ។ ការផ្អាកនោះ កើតមានក៏ទោះបីមានការវាយប្រហារបណ្ដានាវាក្នុងច្រកសមុទ្រហ័រមូសក្ដី ។ ការផ្អាកវាយប្រហារនេះ ស្ថិតក្នុងក្របខណ្ឌ នៃរដូវនយោបាយអាមេរិក។ ការបោះឆ្នោតសភាពាក់កណ្ដាលអាណត្តិត្រូវធ្វើនាថ្ងៃទី៣ វិច្ឆិកា ដូច្នេះ លោកត្រាំចង់ឲ្យមានភាពស្ងប់ស្ងាត់ ខណៈតម្លៃប្រេងឥន្ធនៈឡើងថ្លៃខ្ពស់ដោយសារសង្គ្រាមអ៉ីរ៉ង់ នាំឲ្យលោកត្រាំបាត់បង់ប្រជាប្រិយភាពខ្លាំងក្នុងចំណោមអ្នកបោះឆ្នោតអាមេរិក។
កាសែត WALL STREET JOURNALបញ្ជាក់ថា គេមិនអាចកំណត់ពីទំហំនៃការវាយប្រហារជាថ្មីរបស់អាមេរិកលើអ៉ីរ៉ង់ឡើយ យ៉ាងហោចណាស់រហូតដល់ខែវិច្ឆិកា ។ តាមសម្ដី្ដអ្នកទទួលខុសត្រូវអាមេរិកជាច្រើនថា លោកត្រាំហាក់មានការរារែក ក្នុងការធ្វើប្រតិបត្តិ្តការចម្បងជាថ្មីប្រឆាំងអ៉ីរ៉ង់ ព្រោះអាមេរិកហាក់ដូចជាខើចគ្រាប់ស្តុក ហើយត្រូវបំពេញស្តុកឡើងវិញសម្រាប់ប្រឈមមុខនឹងយថាភាពដទៃៗទៀត ។
ចែករំលែកព័តមាននេះ