តាមទីភ្នាក់ងារព័ត៌មានបរទេសផ្សាយឱ្យដឹងថា កូរ៉េខាងជើងកំពុងជួបបញ្ហាកង្វះអាហារយ៉ាងខ្លាំង ហើយប្រទេសថៃបានក្លាយជាគោលដៅដំបូងនៃការធ្វើដំណើរសម្រាប់ ភៀសខ្លួនរបស់ជនជាតិកូរ៉េខាងជើង ។ តាមស្ថិតិរបស់នាយកដ្ឋានត្រួតពិនិត្យច្រកចេញ-ចូលរបស់ថៃ កាលពីឆ្នាំ២០០៤ បញ្ជាក់ថា មានអ្នកភៀសខ្លួនកូរ៉េ
តាមទីភ្នាក់ងារព័ត៌មានបរទេសផ្សាយឱ្យដឹងថា កូរ៉េខាងជើងកំពុងជួបបញ្ហាកង្វះអាហារយ៉ាងខ្លាំង ហើយប្រទេសថៃបានក្លាយជាគោលដៅដំបូងនៃការធ្វើដំណើរសម្រាប់ភៀសខ្លួនរបស់ជនជាតិកូរ៉េខាងជើង ។ តាមស្ថិតិរបស់នាយកដ្ឋានត្រួតពិនិត្យច្រកចេញ-ចូលរបស់ថៃកាលពីឆ្នាំ២០០៤ បញ្ជាក់ថា មានអ្នកភៀសខ្លួនកូរ៉េខាងជើងចំនួន៤៦នាក់ ប៉ុន្តែតួលេខបែរជាកើនឡើងខ្ពស់ដល់ទៅ២.៥០០នាក់ ក្នុងឆ្នាំ២០១០ ។
របាយការណ៍បានបញ្ជាក់ឱ្យដឹងថា ថៃជាប្រទេសមានច្រកចេញ-ចូលងាយស្រួល និងធ្វើដំណើរប្រកបដោយភាពសប្បាយរីករាយ ដោយជនភៀសខ្លួនសុខចិត្តឱ្យសមត្ថកិច្ចចាប់ខ្លួនដើម្បីឱ្យអាជ្ញាធរថៃដំណើរការដោះស្រាយតាមរយៈស្ថានទូតកូរ៉េខាងត្បូងក្នុងការពិចារណាបញ្ជូនជនភៀសខ្លួនទៅកូរ៉េខាងត្បូង។ បែបបទខាងលើខុសពីប្រទេសម៉ុងហ្គោលី និងវៀតណាម ដែលមានការប្រកួតប្រជែងត្រួតពិនិត្យមនុស្សចូលប្រទេសយ៉ាងតឹងរ៉ឹង និងក្នុងករណីមួយចំនួនទៀតជនភៀសខ្លួនក្នុងប្រទេសទាំង២ នឹងត្រូវបញ្ជូនទៅទទួលទោសយ៉ាងធ្ងន់ធ្ងរ នៅកូរ៉េខាងជើងវិញ ។
គួរបញ្ជាក់ថា បញ្ហាទុរ្ភិក្សក្នុងប្រទេសកូរ៉េខាងជើងអាចនឹងនៅកើតមានបន្តទៀត ព្រោះបញ្ហាអាកាសធាតុត្រជាក់ធ្វើឱ្យការដាំដុះមិនទទួលផល និងមិនសូវមានការនាំចូលស្បៀងអាហារពីបរទេស ។ ម្យ៉ាងទៀត ជនភៀសខ្លួនត្រូវធ្វើដំណើរក្នុងចម្ងាយផ្លូវជាង៥ពាន់គីឡូម៉ែត្រ ឆ្លងកាត់ប្រទេសចិន ឡាវ និងចូលទៅប្រទេសថៃ ដោយចាត់ទុកថាជាចម្ងាយផ្លូវដ៏គ្រោះថ្នាក់ ព្រោះប្រសិនបើអាជ្ញាធរចិនចាប់បាននឹងបញ្ជូនទៅទទួលទោសនៅកូរ៉េខាងជើង វិញ ប៉ុន្តែពួកគេក៏យល់ព្រមពីភាពដ៏ប្រថុយប្រថាននេះដើម្បីគេចឱ្យផុតពីគ្រោះអត់ឃ្លាន ។
នៅក្នុងរបាយការណ៍បញ្ជាក់ឱ្យដឹងថា មានបទសម្ភាសន៍របស់ស្ត្រីភៀសខ្លួនម្នាក់នៅក្នុងប្រទេសថៃបញ្ជាក់ថា នៅកូរ៉េខាងជើងក្រុមគ្រួសាររបស់ខ្លួនបានទទួលអាហារក្នុងមួយថ្ងៃមួយពេល និងជារៀងរាល់លើកត្រូវទទួលទានធញ្ញជាតិផ្សេងៗនៅក្នុងព្រៃដើម្បីទ្រទ្រង់ជីវិតរស់នៅ ៕
ចែករំលែកព័តមាននេះ