ប្រទេសម៉ិស៊ិក ៖ ភាគនិរតីម៉ិកស៊ិករលកសមុទ្រអាចមានកម្ពស់ដល់៨ម៉ែត្រ បណ្ដាលមកពីព្យុះសង្ឃរាឈ្មោះ POLO។ កាលពីរសៀលថ្ងៃទី២៣ កញ្ញា ព្យុះនេះ បានពង្រឹងកម្លាំងក្លាយជាព្យុះសង្ឃរា ប្រភេទទី៥ ដែលខ្លាំងបំផុត ហើយកំពុងតែបន្តបោកបក់ទៅមុខ ។
គេព្យាករណ៍ថា ក្នុងដំណាក់កាលនេះ ព្យុះនោះអាចមិនបោកបក់មកលើដែនដី តែឥទ្ធិពលខ្លាំងរបស់វា និងភ្លៀងធ្លាក់ខ្លាំងបំផុតកើតមាន ដែលបង្កការខូចខាតនានារួចមកហើយនៅទីក្រុងឡាហ្សារ៉ូកាដឺណាស់ ជាទីក្រុងកំពង់ផែ និងឧស្សាហកម្មសំខាន់មួយ ស្ថិតនៅក្នុងរដ្ឋមីចាវកាន់ភាគនិរតីប្រទេស ។
កងទ័ព និងកងឆ្មាំជាតិ បានដាក់ពង្រាយកម្លាំង១៧០០នាក់នៅមីចៅកាន់ ហើយអាជ្ញាធរអះអាងរួចហើយពីភ្លៀងធ្លាក់ខ្លាំង និងខ្យល់បោកបក់ខ្លាំងនៅឆ្នេរសមុទ្ររដ្ឋមីចៅកាន់ រដ្ឋកូលីម៉ា និងរដ្ឋហ្គេរីរ៉ូ ដែលរលកសមុទ្រអាចមានកម្ពស់ពី៦ ទៅ៨ម៉ែត្រ៕
ចែករំលែកព័តមាននេះ