នគរបាលខេត្តស្ទឹងត្រែង ចុះរៀបចំសណ្តាប់ធ្នាប់ និងណែនាំរថយន្តចតគ្មានរបៀបឱ្យចូលចំណត ដើម្បីលើកកម្ពស់សោភ័ណភាពក្រុង
- ស្ទឹងត្រែង
ខេត្តស្ទឹងត្រែង៖ នាព្រឹកថ្ងៃទី២៤ ខែកញ្ញា ឆ្នាំ២០២៦ កម្លាំងនគរបាលផែនការងារសណ្ដាប់ធ្នាប់ នៃស្នងការដ្ឋាននគរបាលខេត្តស្ទឹងត្រែង បានបើកយុទ្ធនាការចុះរៀបចំសណ្ដាប់ធ្នាប់ និងប្រមូលផ្ដុំរថយន្តដែលចតមិនមានរបៀបរៀបរយ ឱ្យចូលទៅកាន់ទីតាំងចំណតដែលបានកំណត់ ដើម្បីធានាបាននូវសោភ័ណភាព សុវត្ថិភាព និងសណ្ដាប់ធ្នាប់សាធារណៈក្នុងទីក្រុង។
សកម្មភាពការងារនេះ ត្រូវបានធ្វើឡើងបន្ទាប់ពីកងកម្លាំងនគរបាលទទួលផែន បានពិនិត្យឃើញនូវភាពរាយប៉ាយនៃការចតយានយន្ត ដែលទាមទារឱ្យមានការកែលម្អជាបន្ទាន់ ដើម្បីផ្ដល់នូវគំរូភាពល្អប្រសើរ និងបង្ហាញពីការយកចិត្តទុកដាក់ខ្ពស់ក្នុងការបំពេញកាតព្វកិច្ចថែរក្សាសុខសុវត្ថិភាពជូនសង្គម។
លោក ជា រដ្ឋា នាយនេះការិយាល័យនគរបាលទេសចរណ៍តំណាងឲ្យលោកឧត្តមសេនីយ៍ត្រី ទេព សាមិតស្នងការរងទទួលផែននគរបាលសណ្តាប់ធ្នាប់អោយ ដឹងថា ៖ក្នុងប្រតិបត្តិការណ៍នេះធ្វើឡើង ក្នុងគោលបំណងសំខាន់ៗនៃប្រតិបត្តិការនេះ រក្សាសណ្ដាប់ធ្នាប់ទីក្រុង ទប់ស្កាត់ការកកស្ទះចរាចរណ៍និងលើកកម្ពស់សោភ័ណភាពខេត្ត។
បង្ហាញពីស្មារតីទទួលខុសត្រូវ និងការអនុវត្តន៍តួនាទីយ៉ាងសកម្មរបស់កងកម្លាំងមានសមត្ថកិច្ច។
តាមរយៈកិច្ចអន្តរាគមន៍នេះ អាជ្ញាធរមានសមត្ថកិច្ចរំពឹងថា វានឹងជួយជំរុញឱ្យការអនុវត្តច្បាប់ និងរបៀបរៀបរយក្នុងមូលដ្ឋានមានភាពល្អប្រសើរឡើងថែមទៀត ក៏ដូចជាការចូលរួមចំណែកយ៉ាងសំខាន់ពីសំណាក់មន្ត្រីគ្រប់រូបក្នុងការបំពេញកាតព្វកិច្ចបម្រើផលប្រយោជន៍សាធារណៈ៕
ចែករំលែកព័តមាននេះ