បាតុភូត «សមរាត្រី» ថ្ងៃដំបូង ភ្ញៀវទេសចរសម្រុកទៅអង្គរវត្តយ៉ាងកុះករ ថ្វីដ្បិតមេឃមានពពកបាំងច្រើន
- សៀមរាប
ខេត្តសៀមរាប ៖ ទោះបីជាឱកាសទស្សនាព្រះអាទិត្យរះចំកំពូលកណ្ដាលនៃប្រាសាទ អង្គរវត្ត ក្នុងព្រឹត្តិការណ៍សមរាត្រីរដូវវស្សានេះ មិនសូវបានដូចបំណងយ៉ាងណាក្ដី ក៏ប្រជាពលរដ្ឋ និងភ្ញៀវទេសចរជាតិ និង អន្តរ ជាតិ យ៉ាងច្រើនកុះករបានរៀបចំដំណើរកម្សាន្តមកកាន់ទីនេះដែរ។
សូមបញ្ជាក់ថា នៅព្រឹកថ្ងៃទី២១ ខែកញ្ញា ដែលជាថ្ងៃដំបូងនៃព្រឹត្តិការណ៍ដ៏អស្ចារ្យនេះ សាធារណជន និងភ្ញៀវទេសចរជាច្រើនបានមកជួបជុំគ្នា រង់ចាំទស្សនាព្រះអាទិត្យរះជុំវិញបរិវេណប្រាសាទ ពិសេសនៅលើស្ពានហាលខាងក្នុងប្រាសាទអង្គរវត្ត។ យ៉ាងណាមិញ ព្រះអាទិត្យមិនបានរះត្រចះត្រចង់ដូចការរំពឹងទុកនោះទេ ដោយសារមានពពកបាំងច្រើន។ កត្តានេះបានធ្វើឱ្យមហាជន និងភ្ញៀវទេសចរ បន្តរង់ចាំទស្សនាបាតុភូតនេះនៅថ្ងៃទី២២ និងថ្ងៃទី២៣ ខែកញ្ញា បន្តទៀត៕
ចែករំលែកព័តមាននេះ