ប្រាសាទអង្គរមើលពីភ្នំបាខែង មុនថ្ងៃលិចដូចនៅភពផ្សេង
- សៀមរាប
ខេត្តសៀមរាប៖ ផ្ទាំងទស្សនីយភាពនៃសំណង់ប្រាសាទអង្គរវត្ត ទស្សនាពីកំពូលប្រាសាទភ្នំបាខែង បានក្លាយជាចំណីអារម្មណ៍មួយដ៏អស្ចារ្យ និងប្លែកអារម្មណ៍សម្រាប់ភ្ញៀវទេសចរ ។ ក្រៅពីទីតាំងដ៏ពេញនិយមសម្រាប់ទស្សនាថ្ងៃលិច ភ្ញៀវទេសចរអាចឈរនៅជ្រុងខាងកើត និងទស្សនាសម្រស់កំពូលប្រាសាទអង្គរវត្តយ៉ាងស្រស់ស្អាតបានផងដែរ ។
កាលពីថ្ងៃទី១៤ កញ្ញា ២០២៦ អាជ្ញាធរជាតិអប្សរា ពណ៌នាថា ពន្លឺព្រះអាទិត្យមុនពេលអស្តង្គត បានជះទៅលើប្រាង្គប្រាសាទអង្គរវត្ត ប្រែជាពណ៌មាសយ៉ាងស្រស់ស្អាត និងមានភាពរស់រវើក ហាក់ដូចជានៅភពមួយផ្សេងទៀតយ៉ាងដូច្នោះដែរ ។
លើសពីនេះសម្រស់ធម្មជាតិហ៊ុមព័ទ្ធទៅដោយសមុទ្រឈើពណ៌បៃតងយ៉ាងក្រាស់ឃ្មឹក វាលស្រែ ដើមត្នោត ទឹកកសិន្ធុ ដែលជួយលើកសម្រស់ប្រាសាទដ៏អច្ឆរិយមួយនេះ ឱ្យកាន់តែមានភាពអាថ៌កំបាំង និងអស្ចារ្យថែមមួយកម្រិតទៀត ៕
ចែករំលែកព័តមាននេះ