រាជធានីភ្នំពេញ ៖ នៅថ្ងៃទី១៣ ខែកញ្ញា ឆ្នាំ២០២៦ វេលាម៉ោង១៥និង០០នាទី កម្លាំងជំនាញ នៃអធិការដ្ឋាននគរបាលខណ្ឌសែនសុខ ឃាត់ខ្លួនជនសង្ស័យ០១នាក់ ករណីលួចសម្ភារៈ នៅចំណុចក្នុងអគារទុកចោល ផ្លូវ២០០៤ ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ បង្កដោយជនសង្ស័យ ឈ្មោះ ង៉ោ ចាក់ ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះមិនពិតប្រាកដ (មានសារធាតុញៀន) ។
ចំណែកបក្ខពួក០២នាក់ទៀតគេចខ្លួន បច្ចុប្បន្នកម្លាំងជំនាញ នៃអធិការដ្ឋាននគរបាលខណ្ឌសែនសុខ កំពុងធ្វើការស្រាវជ្រាវបន្តមុខសញ្ញាដែលគេចខ្លួន ។
ជនសង្ស័យ បច្ចុប្បន្នកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីអនុវត្តតាមនិតិវិធី ៕
ចែករំលែកព័តមាននេះ