ក្រសួងធនធានទឹក និងឧតុនិយមបានអះអាងនៅថ្ងៃទី១៤ ខែកញ្ញា ឆ្នាំ២០២៦ថា បរិយាកាសទូទៅកម្ពុជា ពីថ្ងៃនេះ ដល់ថ្ងៃពុធទី១៦ ខែកញ្ញា អាចនឹងមានស្ថានភាពអ័ព្ទអួខ្លាំង ។
ប្រភពដដែលបានអះអាងថា ដោយសារតែប្រព័ន្ធអាកាសធាតុសម្ពាធទាបកើតមាននៅលើឈូងសមុទ្របេងហ្គាល សមុទ្រអានដាម៉ាន់ សមុទ្រចិនខាងត្បូង មានឥទ្ធិពលលើរបបខ្យល់មូសុងនិរតីដែលបក់លើអាងទន្លេមេគង្គ សមុទ្រកម្ពុជា និងលើប្រទេសកម្ពុជា ពីថ្ងៃនេះ ដល់ថ្ងៃទី១៦ ខែកញ្ញា ឆ្នាំ២០២៦ បរិយាកាសមានសភាពអ័ព្ទអួខ្លាំង ដោយភ្លៀង ខ្យល់កន្ត្រាក់ និងផ្គររន្ទះ អាចកើតមានពី៦០ទៅ៧០ ភាគរយឯណោះ ។
ប្រភពដដែលបានអះអាងថា តំបន់ទំនាបកណ្តាលអាចមានភ្លៀង ខ្យល់កន្ត្រាក់ និងផ្គររន្ទះរង្វង់៦០ភាគរយ ហើយតំបន់មាត់សមុទ្រ និងខ្ពង់រាប គឺអាចមានរហូតដល់ទៅ៧០ភាគរយ ។ ប្រភពដដែលបានព្រមានផងដែរថា រលកសមុទ្រអាចបោកបក់ដល់កម្ពស់១,៧០ ម៉ែត្រ ៕
ចែករំលែកព័តមាននេះ