សង្គ្រាមមជ្ឈឹមបូព៌ា ៖ ការប្រយុទ្ធគ្នានៅបន្តទៀត ដោយពួកឧទ្ទាមហ៊ូធីយេម៉ែនរៀបរាប់ នាថ្ងៃទី១៣ កញ្ញា ពីការវាយប្រហារ៥៨លើករបស់អារ៉ាប៊ីសាអូឌីតនៅយេម៉ែន ពិសេស លើមូលដ្ឋានរបស់ពួកគេនាភាគខាងជើងប្រទេស ប៉ុន្មានម៉ោងបន្ទាប់ពីការវាយប្រហារមួយរបស់ក្រុមស្និទ្ធិអ៉ីរ៉ង់នោះ ប្រឆាំងមូលដ្ឋានយោធាមួយរបស់ប្រទេសជាប់ជិតខាងនោះ ។
ពួកហ៊ូធីធ្លាប់បានប្រកាសកាលពីខែកក្កដា ពីការរាំងខ្ទប់សមុទ្រប្រឆាំងក្រុងរីយ៉ាដ និងវាយប្រហារបណ្ដានាវាដឹកប្រេងរបស់ប្រទេសនោះ ។ ក្រុមឧទ្ទាមដ៏ខ្លាំងនោះបានវាយប្រហារទ្រង់ទ្រាយធំនាពេលថ្មីៗនេះ ប្រឆាំងអារ៉ាប៊ីសាអូឌីតសម្ព័ន្ធមិត្តរបស់រដ្ឋាភិបាលយេម៉ែនទទួលស្គាល់ដោយអន្តរជាតិ ។ ក្រោយការវាយប្រហារទាំងនោះ បណ្ដាលឲ្យមនុស្សច្រើនសិបនាក់រងរបួស អារ៉ាប៊ីសាអូឌីតប្រកាសពីការបិទបណ្ដោះអាសន្នទីតាំងប្រេងច្រើនកន្លែងរបស់ខ្លួន ។
ចលនាហ៊ូធីរយៈពេលប៉ុន្មានថ្ងៃចុងក្រោយនេះ បានវាយប្រហារខ្លាំងក្លាលើកងទ័ពរដ្ឋាភិបាលយេម៉ែន ដោយក្នុងការវាយលុកផ្លេកបន្ទោរមួយដណ្ដើមបានក្រុងកំពង់ផែប្រវត្តិសាស្ត្រម៉ូខា និងកាន់កាប់ទាំងស្រុងឆ្នេរសមុទ្រយេម៉ែននៃសមុទ្រក្រហម។ បែបនេះ ពួកហ៊ូធីអាចពង្រឹងការត្រួតត្រាច្រកសមុទ្រយុទ្ធសាស្ត្រBAB-EL MANDEB ជាច្រកគន្លឹះនៃការធ្វើនាវាចរណ៍ក្នុងសមុទ្រក្រហម ។
អ្នកនាំពាក្យយោធារបស់ហ៊ូធីគូសបញ្ជាក់តាមតេឡេក្រាមថា សត្រូវអារ៉ាប៊ីសាអូឌីតបានវាយប្រហារតាមអាកាស៥៨លើក រយៈពេល២៤ម៉ោងចុងក្រោយនេះលើខេត្ត៦ ដោយប្រើយន្តហោះធុនF-15 ដែលហោះចេញពីមូលដ្ឋានអាកាសចរណ៍ខាមីសមូសា
អ៉ីត។ ការវាយប្រហារទាំងនោះ ផ្ដោតពិសេសលើបណ្ដាខ្សែរណសិរ្សប្រយុទ្ធ ដើម្បីជួយទ្រទ្រង់ដល់កងទ័ពរដ្ឋាភិបាលដែលខិតខំទប់ការវាយលុករបស់ពួកហ៊ូធី។
ចំណែកអ៉ីរ៉ង់វិញអះអាង នាថ្ងៃទី១៣ កញ្ញា ពីការវាយប្រហារនាវាដឹកទំនិញ១គ្រឿង នៅច្រកសមុទ្រហ័រមូស បណ្ដាលឲ្យមនុស្សម្នាក់ស្លាប់ និង៣នាក់ទៀតរងរបួស ៕
ចែករំលែកព័តមាននេះ