ការនាំចេញគ្រាប់ស្វាយចន្ទីររបស់កម្ពុជា ទៅកាន់ទីផ្សារអន្តរជាតិ នៅក្នុងរយៈពេល៨ខែ នៃឆ្នាំ២០២៦ នេះមានតម្លៃសរុបដល់ទៅ១.១៥៦លានដុល្លារ ។ នេះបើតាមស្ថិតិ ដែលទទួលបានអគ្គនាយករដ្ឋគយ និងរដ្ឋករកម្ពុជា ។
ប្រភពដដែលបានបន្តថា ផ្អែកតាមស្ថិតិនេះទំហំនៃការនាំចេញគ្រាប់ស្វាយចន្ទីកម្ពុជា នៅក្នុងរយៈពេលពីខែមករា ដល់ខែសីហា ឆ្នាំ២០២៦ មានកំណើនកើនឡើងប្រមាណជា៤៦ភាគរយ នៅក្នុងទឹកប្រាក់កំណើនសរុបជាង៣៦៥ លានដុល្លារ ។
កាលពីរយៈពេល៨ ខែ នៃឆ្នាំ២០២៥ កម្ពុជានាំចេញគ្រាប់ស្វាយចន្ទីសរុបមានតម្លៃត្រឹម ជាង ៧៩០ លានដុល្លារប៉ុណ្ណោះ ។
គ្រាប់ស្វាយចន្ទីរកម្ពុជាសព្វថ្ងៃ មានទីផ្សារទូលំទូលាយ ដោយការនាំចេញ គឺមានទាំងជាគ្រាប់ស្វាយចន្ទីមិនទាន់កែច្នៃ និងគ្រាប់ស្វាយចន្ទីដែលកែច្នៃហើយ ។
ប្រទេសដែលកម្ពុជានាំចេញស្វាយចន្ទីទៅ គឺមានវៀតណាម ប្រទេសនៅអាស៊ាន ជប៉ុន កូរ៉េខាងត្បូង សហភាពអឺរ៉ុប អាមេរិក ជាដើម ៕
ចែករំលែកព័តមាននេះ