ប្រធានាធិបតីស៊ីរី លោកបាចាអាល់ អាសាដ បានទទួលស្គាល់ថា កងកម្លាំងរបស់លោកបានប្រព្រឹត្តកំហុសឆ្គងមួយចំនួនក្នុងដំណាក់កាលដំបូងនៃការបង្ក្រាបចលនាតវ៉ាប្រឆាំងនឹងរបបរបស់លោក។ លោកទទួលស្គាល់បែបនេះនៅមុខបណ្តាអ្នកការទូតរបស់ប្រទេសទាំងឡាយជាសមាជិកក្រុមប្រឹក្សាសន្តិសុខអ.ស.ប។ លោកអាល់ អាសាដ
ប្រធានាធិបតីស៊ីរី លោកបាចាអាល់ អាសាដ បានទទួលស្គាល់ថា កងកម្លាំងរបស់លោកបានប្រព្រឹត្តកំហុសឆ្គងមួយចំនួនក្នុងដំណាក់កាលដំបូងនៃការបង្ក្រាបចលនាតវ៉ាប្រឆាំងនឹងរបបរបស់លោក។ លោកទទួលស្គាល់បែបនេះនៅមុខបណ្តាអ្នកការទូតរបស់ប្រទេសទាំងឡាយជាសមាជិកក្រុមប្រឹក្សាសន្តិសុខអ.ស.ប។ លោកអាល់ អាសាដ ទទួលស្គាល់ថា ការខុសឆ្គងមួយចំនួនត្រូវបានប្រព្រឹត្តដោយកងកម្លាំងរបស់លោកក្នុងដំណាក់កាលដំបូងនៃអំពើហិង្សា ហើយគូសបញ្ជាក់ថា វិធានការនានាត្រូវបានប្រកាន់យកដើម្បីចៀសវាងកុំឱ្យការខុសឆ្គងបែបនេះកើតមានជាថ្មីទៀត។
អ្នកការទូតឥណ្ឌាព្រមទាំងបណ្តាអ្នកទទួលខុសត្រូវជាន់ខ្ពស់របស់ក្រសួងការបរទេសអាហ្វ្រិកខាងត្បូង និងប្រេស៊ីលបានទៅកាន់ក្រុងដាម៉ាស់ដើម្បីអំពាវនាវឱ្យបញ្ចប់អំពើហិង្សា ហើយបានជួបជាមួយប្រធានាធិបតីស៊ីរី។ នៅមុខអ្នកការទូតទាំងនោះ លោកអាល់ អាសាដ បានគូសបញ្ជាក់ពីការសន្យាដើរឆ្ពោះទៅរកដំណើរការនៃការកែទម្រង់ ក្នុងនោះមានទិសដៅបើកផ្លូវទៅរកលទ្ធិប្រជាធិបតេយ្យពហុបក្សមួយ។ យោងតាមបណ្តាអង្គការការពារសិទ្ធិមនុស្សថា មនុស្ស២០០០នាក់ហើយបានត្រូវស្លាប់តាំងពីចាប់ផ្តើមការបះបោរនៅស៊ីរី ហើយមានការបង្ក្រាបដោយបង្ហូរឈាមមក៕
ចែករំលែកព័តមាននេះ