យោងទៅតាមប្រភពព័ត៌មាន អេស៊ី វ័ន ចេញផ្សាយកាលពីថ្ងៃទី១០ សីហា បានឱ្យដឹងថា ស្ត្រីមានផ្ទៃពោះវ័យ១៩ឆ្នាំ ជនជាតិម៉ាឡេស៊ី ម្នាក់ឆ្លងទន្លេបានកូនស្រី១ នៅលើរថយន្តក្រុងប្រភេទលឿន (Express Bus) ក្នុងអំឡុងពេលធ្វើដំណើរពេញមួយយប់ពីតំបន់ Mri ទៅកាន់ Sri Aman ក្នុងទីក្រុង Sarawak ប្រទេសម៉ាឡេស៊ី កាលពីយប់ថ្ងៃ
យោងទៅតាមប្រភពព័ត៌មាន អេស៊ី វ័ន ចេញផ្សាយកាលពីថ្ងៃទី១០ សីហា បានឱ្យដឹងថា ស្ត្រីមានផ្ទៃពោះវ័យ១៩ឆ្នាំ ជនជាតិម៉ាឡេស៊ី ម្នាក់ឆ្លងទន្លេបានកូនស្រី១ នៅលើរថយន្តក្រុងប្រភេទលឿន (Express Bus) ក្នុងអំឡុងពេលធ្វើដំណើរពេញមួយយប់ពីតំបន់ Mri ទៅកាន់ Sri Aman ក្នុងទីក្រុង Sarawak ប្រទេសម៉ាឡេស៊ី កាលពីយប់ថ្ងៃអាទិត្យ ទី៧ សីហា ឆ្នាំ២០១១។
ប្រភពព័ត៌មានដដែលនោះបានបន្តឱ្យដឹងទៀតថា ទោះបីជាប្តី និងម្តាយរបស់នាងបានរួមដំណើរជាមួយនាងក៏ដោយ ក៏ពួកគេទាំងពីរនាក់នោះមិនបានប្រាប់អ្នកបើកបររថយន្តឱ្យឈប់ដើម្បីយកនាងទៅកាន់មន្ទីរពេទ្យនោះទេ។
ទាក់ទិនទៅនឹងបញ្ហានេះដែរ អ្នកបើកបររថយន្តក្រុងបានធ្វើការស្តីបន្ទោសដល់ក្រុមគ្រួសាររបស់នាងដែលមិនបានប្រាប់ឱ្យលោកឈប់រថយន្ត ។ លោកបានបន្តទៀតថា លោកបានដឹងរឿងនេះ បន្ទាប់ពីមកដល់ចំណតនៅម៉ោង៦និង៤០នាទីព្រឹក ថ្ងៃចន្ទ នៅពេលដែលឃើញគ្រូពេទ្យឡើងមកលើរថយន្ត ដើម្បីកាត់ទងផ្ចិតទារិកា ។ ដោយឡែកម្តាយរបស់នាងបានឱ្យដឹងដែរថា គាត់បានឃើញកូនស្រីរបស់គាត់មានអាការឈឺពោះ មុនពេលឡើងរថយន្ត ហើយគាត់ក៏ឱ្យនាងទៅមន្ទីរពេទ្យដែរ តែនាងបដិសេធ។
ទោះបីជាស្ត្រីនោះឆ្លងទន្លេលើរថយន្តក្រុងយ៉ាងណាក្តី ក៏ពេលនេះសុខភាពរបស់នាង និងទារិកាបានល្អធម្មតាទេ តែត្រូវការសម្រាកព្យាបាលបំប៉នសុខភាពនៅក្នុងមន្ទីរពេទ្យមួយរយៈសិន ។ ព័ត៌មាននេះចាត់ទុកថា ជាមេរៀនមួយដល់ស្ត្រីមានផ្ទៃពោះទាំងអស់ កុំឱ្យធ្វើដំណើរផ្លូវឆ្ងាយក្នុងអំឡុងពេលមានគភ៌ជិតគ្រប់ខែឆ្លងទន្លេ៕
ចែករំលែកព័តមាននេះ