ADផ្ទាំងផ្សព្វផ្សាយពាណិជ្ជកម្ម

Picture

មេដឹកនាំ​មហាអំណាច​ទាំង​បី ត្រាំ ពូទីន និងស៊ី ជីនពីង គ្រោង​ជួប​គ្នា​នា​ខែវិច្ឆិកា នៅ​ប្រទេស​ចិន

2 ខែ មុន

ប្រទេស​ចិន ៖ ប្រធានាធិបតី​នៃ​មហាអំណាច​៣ លោក​ដូ​ណា​ល់​ត្រាំ លោក​វ្ល៉ា​ឌី​មៀរ​ពូ​ទី​ន​ និង​លោកស៊ី​ជី​ន​ពីង អាច​ជួប​គ្នា​នា​ខែវិច្ឆិកា​ ខាង​មុខ​នៅ​ទីក្រុង​សេន​ហ្សេ​ន​ចិន សម្រាប់​កិច្ចប្រជុំ​កំពូល​ត្រីភាគី​មួយ នៅ​ខាងក្រៅ​កិច្ចប្រជុំ​កំពូល​ APEC ។ ពិត​ណាស់​ កិច្ចប្រជុំ​កំពូល​ត្រិ​ភាគី​នោះ​​នឹង​ផ្ដោត​ជា​ពិសេស​ លើ​ដំណោះស្រាយ​ជម្លោះ​នៅ​អ៊ុយ​ក្រែ​ន​ និង​នៅ​ម​ជ្ឈឹ​ម​បូព៌ា​ដែល​កំពុង​តែ​អាក្រក់​ទៅ​ប៉ះពាល់​ខ្លាំង​ដល់​សេដ្ឋកិច្ច​ពិភពលោក​ ពិសេស​ខាង​ផ្នែក​ថាមពល ដោយ​សង្គ្រាម​នោះ​នាំ​ឲ្យ​ស្ទះ​ដល់​ការ​ដឹក​ជញ្ជូន​​ប្រេង ​និង​កំពុង​ធ្វើ​ឲ្យ​តម្លៃ​ប្រេង​ឡើង​កាន់តែ​ខ្ពស់​ ។

វិមាន​ក្រឹម​ឡាំង​អះអាង​ កាលពី​ថ្ងៃ​ទី​៩​ កញ្ញា​ ថា ប្រធានាធិបតី​រុ​ស្ស៊ី និង​ប្រធានាធិបតី​អា​មេ​រិ​ក បាន​លើក​ឡើង​ពី​លទ្ធភាព​នោះ​នា​ឱកាស​នៃ​ការ​ជួប​គ្នា​តាម​ទូរស័ព្ទ​នា​ពេល​មុន​នេះ​ ។ ពេល​សួរ​ពី​ការ​ជួប​គ្នា​ត្រីភាគី​ជាយថាហេតុ​នៅ​ក្រុង​សេន​ហ្សេ​ន ខាងក្រៅ​កិច្ចប្រជុំ​កំពូល​របស់​អង្គការ​កិច្ច​សហប្រតិបត្តិការ​សេដ្ឋកិច្ច​អាស៊ី​ប៉ា​ស៊ី​​ហ្វិ​ក​APEC ដែល​គ្រោង​ធ្វើ​នា​ថ្ងៃ​ទី​១៨​ និង​១៩ ​វិច្ឆិកា អ្នក​នាំពាក្យ​វិមាន​ក្រឹម​ឡាំង លោក​ឌី​មី​ទ្រី​ប៉េ​ស្កូវ​ឆ្លើយ​ថា ប្រធានាធិបតី​ទាំង​៣​រូប​នឹង​អង្គុយ​នៅ​តុ​ជាមួយ​គ្នា ហើយ​ការ​ជួប​គ្នា​នោះ​ពិតជា​នឹង​មាននៅ​ចិន​ ។ គំនិត​នៃ​ការ​ជួប​គ្នា​កំពូល​រវាង​មេដឹកនាំ​ទាំង​៣​រូប​នោះ​ ធ្លាប់​បាន​លើក​រួច​ហើយ​តាំងពី​ដំណាច់​ខែសីហា​មកម្ល៉េះ ។

ប្រធានាធិបតី​អា​មេ​រិ​ក ​លោក​ដូ​ណា​ល់​ត្រាំ កាលពី​ថ្ងៃ​ទី​៩​ កញ្ញា​ លើក​ឡើង​ថា លោក​ជឿជាក់​ថា​ លោកពូ​ទី​ន​ ចង់បាន​កិច្ចព្រម​ព្រៀង​មួយ​ជាមួយ​អ៊ុយ​ក្រែ​ន​។ លោក​ថា ​ក្នុង​ពេល​ជួប​គ្នា​តាម​ទូរស័ព្ទ​នា​ពេល​មុន​នេះ យើង​បាន​សន្ទនា​គ្នា​ដោយ​ល្អ​បំផុត​។ លោកពូ​ទី​ន​ចង់បាន​កិច្ចព្រមព្រៀង​មួយ ហើយ​ប្រសិនបើ​លោក​ហ្សេ​ឡេ​ន​ស្គី​ចង់បាន​កិច្ចព្រមព្រៀង​មួយ​ដែរ នោះ​​ពិតជា​រឿង​ដែល​ល្អ​បំផុត ​៕