ADផ្ទាំងផ្សព្វផ្សាយពាណិជ្ជកម្ម

Picture

ដ្រូ​ន​រុ​ស្ស៊ី​-​អ៊ុយ​ក្រែ​ន ​វាយប្រហារ​គ្នា​ស្លា.ប់​រាប់រយ​នាក់ ​ក្រោយ​ជំនួប​​ពូ​ទី​ន​-​ត្រាំ

2 ខែ មុន

សង្គ្រាម​អ៊ុយ​ក្រែ​ន ៖ រុ​ស្ស៊ី ​និង​អ៊ុយ​ក្រែ​ម ​នៅ​តែ​បន្ត​វាយប្រហារ​គ្នា​ដោយ​ដ្រូ​ន​ បណ្ដាល​ឲ្យ​មនុស្ស​ស្លាប់​ទាំង​សងខាង​។ នា​ថ្ងៃ​ទី​៩​កញ្ញា​ រុ​ស្ស៊ី​ប្រកាស​ថា​ បាន​បាញ់​ទម្លាក់​នា​ពេល​យប់​ដ្រូ​ន​អ៊ុយ​ក្រែ​ន​៥៩៦​គ្រឿង ពីលើ​តំបន់​១០​ ព្រមទាំង​តំបន់​គ្រី​មេ​។ ការ​វាយ​ប្រហារ​ដោយ​ហ្វូង​ដ្រូ​ន​អ៊ុយ​ក្រែ​ន​ តាម​អាជ្ញាធរ​មូលដ្ឋាន​ថា បណ្ដាល​ឲ្យ​មនុស្ស​ស្លាប់​៤​នាក់​ និង​២៩​នាក់​ទៀត​រង​របួស​ ។

ការ​ប្រកាស​នោះ​ ធ្វើ​ឡើង​បន្ទាប់​ពី​ការ​ជួប​ពិភាក្សា​គ្នា​តាម​ទូរស័ព្ទ​ថ្មី រវាង​ប្រធានាធិបតី​រុ​ស្ស៊ី លោក​វ្ល៉ា​ឌី​មៀរ​ពូ​ទី​ន និង​សម​ភាគី​អា​មេ​រិ​ក ​លោក​ដូ​ណា​ល់​ត្រាំ ស្ដី​ពី​បណ្ដា​មធ្យោបាយ​ដោះ​ស្រា​យ​ជម្លោះ​នៅ​អ៊ុយ​ក្រែ​ន​ ។ ការ​វាយប្រហារ​ដោយ​ដ្រូ​ន​អ៊ុយ​ក្រែ​ន​សំដៅ​លើ​ទីក្រុង​ណូ​វ៉ូ​រ៉ុ​សស៊ីអ៉ី​ស្ក៍ ជាទី​ក្រុង​កំពង់​ផែ​នៅ​ជាប់​សមុទ្រ​ខ្មៅ ក្នុង​តំបន់​គ្រា​ស្នូ​ដា​ដែល​នៅ​ទីនោះ​មនុស្ស​៤​នាក់ ក្នុង​នោះ​មាន​កុមារ​ម្នាក់​ស្លាប់ ហើយ​មនុស្ស​២៩​នាក់​ទៀត​រង​របួស​។

អភិបាល​តំបន់​នោះ​ លោក​វេ​នី​ញ៉ា​មីន​កុន​ដ្រា​ទី​អេ​វ ​ថ្លែង​ថា កង​យោធា​យើង​បាន​រុញច្រាន​ការ​វាយប្រហារ​ដោយ​ហ្វូង​ដ្រូ​ន​សត្រូវ​ប្រឆាំង​តំបន់​ក្រុង​ណូ​វ៉ូ​រ៉ុ​សស៊ីអ៉ីស​ជាទី​ក្រុង​តែង​រង​ការ​វាយប្រហារ​ច្រើន​លើក​ ។ នា​ថ្ងៃ​ទី​៩ ​កញ្ញា​ អ៊ុយ​ក្រែ​ន​ក៏​វាយប្រហារ​ដោយ​ដ្រូ​ន​រយៈ​ឆ្ងាយ​លើ​ទីតាំង​ឧស្សាហកម្ម​រុ​ស្ស៊ីមួយ​នៅ​តំបន់​អូ​រ៉ា​ល់​រុ​ស្ស៊ី ស្ថិត​នៅ​ដល់​ចម្ងាយ​៣០០០​គីឡូម៉ែត្រ​ ។ នោះ​ជា​ការ​វាយ​ប្រហារ​ក្នុង​ចម្ងាយ​ឆ្ងាយ​បំផុត​ដ៏​កម្រ បណ្ដាល​ឲ្យ​មាន​ភ្លើង​ឆេះ​ក្នុង​ទីតាំង​ឧស្សាហកម្ម​អ៊ូ​រ៉ា​ល់ តែ​មិន​បណ្ដាល​ឲ្យ​មាន​មនុស្ស​ស្លាប់​ឬ​របួស​ឡើយ​ ។

ចំណែក​អាជ្ញាធរ​អ៊ុយ​ក្រែ​ន​រាយការណ៍​ថា ការ​វាយប្រហារ​ដោយ​ដ្រូ​ន​រុ​ស្ស៊ី​លើ​ប៉ុស្តិ៍​ព្រំដែន​មួយ​រវាង​អ៊ុយ​ក្រែ​ន​ និង​ម៉ុ​ល​ដា​វី​ក្នុង​តំបន់​អូ​ដេ​សា បណ្ដាល​ឲ្យ​មនុស្ស​២​នាក់​ស្លាប់ និង​របួស​៣​នាក់​កាលពី​ថ្ងៃ​ទី​៩ ​កញ្ញា​ ។ រុ​ស្ស៊ី​​ក៏​វាយប្រហារ​ដោយ​ដ្រូ​ន​ដែរ លើ​ទីក្រុង​គៀវ​ និង​ក្រុង​ឌី​នី​ប្រូ​បណ្ដាល​ឲ្យ​មានការ​ខូចខាត​នានា​ ។ នា​ពាក់កណ្ដាល​យប់​ការ​ផ្អាក​វាយប្រហារ​គ្នា​រយៈពេល​៣​ថ្ងៃ រដ្ឋធានី​អ៊ុយ​ក្រែ​ន​រង​ការ​វាយប្រហារ​ជា​ថ្មី​របស់​រុ​ស្ស៊ី​ ​កាលពី​យប់​ថ្ងៃ​ទី​៧​ មក​៨​កញ្ញា​ ។ តាម​រដ្ឋបាល​យោធា​រដ្ឋធានី​អ៊ុយ​ក្រែ​ន​ថា បណ្ដា​អគារ​រង​ការ​ប៉ះពាល់​នៅ​ក្រុង​គៀវ​ព្រមទាំង​នៅ​ស្រុក​២​ជាយ​រដ្ឋធានី ​៕

A worker inspects a combat drone at Fire Point’s secret factory in Ukraine on Monday, Aug. 18, 2025. (AP Photo/Efrem Lukatsky)/xel903/25231590873937//2508210606