សង្គ្រាមអ៊ុយក្រែន ៖ រុស្ស៊ីប្រកាស នាថ្ងៃទី៩ កញ្ញា ថា បានបាញ់ទម្លាក់នាពេលយប់ដ្រូនអ៊ុយក្រែន៥៩៦គ្រឿង ពីលើតំបន់១០ព្រមទាំងតំបន់គ្រីមេ ។ ការវាយប្រហារដោយហ្វូងដ្រូនអ៊ុយក្រែន តាមអាជ្ញាធរមូលដ្ឋានថា បណ្ដាលឲ្យមនុស្សស្លាប់៤នាក់ ។
ការប្រកាសនោះធ្វើឡើង បន្ទាប់ពីការជួបពិភាក្សាគ្នាតាមទូរស័ព្ទថ្មី រវាងប្រធានាធិបតីរុស្ស៊ី លោកវ្ល៉ាឌីមៀរពូទីន និងសមភាគីអាមេរិកលោកដូណាល់ត្រាំ ស្ដីពីបណ្ដាមធ្យោបាយដោះស្រាយេជម្លោះនៅអ៊ុយក្រែន។ ការវាយប្រហារដោយដ្រូនអ៊ុយក្រែនសំដៅលើទីក្រុងណូវ៉ូរ៉ុសស៊ីអ៉ីស្ក៍ ជាទីក្រុងកំពង់ផែនៅជាប់សមុទ្រខ្មៅ ក្នុងតំបន់គ្រាស្នូដាដែលនៅទីនោះមនុស្ស៤នាក់ ក្នុងនោះមានកុមារម្នាក់ស្លាប់ ហើយមនុស្ស២៩នាក់ទៀតរងរបួស។ អភិបាលតំបន់នោះ លោកវេនីញ៉ាមីនកុនដ្រាទីអេវ ថ្លែងថា កងយោធាយើងបានរុញច្រានការវាយប្រហារដោយហ្វូងដ្រូនសត្រូវប្រឆាំងតំបន់ក្រុងណូវ៉ូរ៉ុសស៊ីអ៊ីសជាទីក្រុងតែងរងការវាយប្រហារច្រើនលើក ។
ក្រោយផុតនាពាក់កណ្ដាលយប់ ការផ្អាកវាយប្រហារគ្នារយៈពេល៣ថ្ងៃ រដ្ឋធានីអ៊ុយក្រែនរងការវាយប្រហារជាថ្មីរបស់រុស្ស៊ីកាលពីយប់ថ្ងៃទី៧ មក ៨ កញ្ញា។ តាមរដ្ឋបាលយោធារដ្ឋធានីអ៊ុយក្រែនថា បណ្ដាអគាររងការប៉ះពាល់នៅក្រុងគៀវព្រមទាំងនៅស្រុក២ជាយរដ្ឋធានី ។
ការវាយប្រហារទាំងនេះរបស់រុស្ស៊ី ធ្វើឡើងក្រោយបញ្ចប់បទឈប់បាញ់គ្នា៣ថ្ងៃ អំឡុងពេលទស្សនកិច្ចនៅក្រុងមូស្គូនិងក្រុងគៀវរបស់បេសកជនពិសេសអាមេរិក២រូប ។ យោងតាមតុល្យការបណ្ដោះអាសន្នរបស់រដ្ឋបាលយោធាមូលដ្ឋានថា មនុស្សយ៉ាងតិច២នាក់បានត្រូវស្លាប់ និង៧នាក់រងរបួស។ អគារនានារងការប៉ះពាល់ក្នុងស្រុកជាច្រើននៃរដ្ឋធានីអ៊ុយក្រែននិងតំបន់ជាយក្រុង ៕
ចែករំលែកព័តមាននេះ