កូរ៉េខាងជើង-រុស្ស៊ី ៖ កូរ៉េខាងជើង កាលពីថ្ងៃទី៨ កញ្ញា បានសម្ដែងការអបអរសាទរ ចំពោះការបើកសម្ពោធនាពេលមុននេះ ស្ពានផ្លូវថ្នល់មួយដែលតភ្ជាប់ជាមួយរុស្ស៊ី ។ នេះជាការតភ្ជាប់គ្នាតាមផ្លូវគោករវាងប្រទេសជាសម្ព័ន្ធមិត្តទាំង២ ក្នុងគោលបំណងធ្វើឲ្យកាន់តែស៊ីជម្រៅថែមទៀតដល់កិច្ចសហប្រតិបត្តិការពេលកំពុងមានសង្គ្រាមជាមួយអ៊ុយក្រែន ។

ស្ពាននោះ កសាងឆ្លងកាត់ទន្លេ TUMEN ដែលគេស្គាល់ផងដែរ ក្រោមឈ្មោះថា ទន្លេTOUMANNAIA ដែលកំណត់ព្រំដែនរវាងរុស្ស៊ី និងកូរ៉េខាងជើង មានប្រវែង១៧គីឡូម៉ែត្រ ។ តាមទីភ្នាក់ងារព័ត៌មានកូរ៉េខាងជើង KCNA ថា អ្នកទទួលខុសត្រូវជាន់ខ្ពស់ម្នាក់ របស់ប្រទេសនេះ លោកប៉ាក់ថាវសុង បានថ្លែងសាទរការបើកស្ពាននេះ ដែលលោកថា ជាព្រឹតិ្តការណ៍សំខាន់មួយដែលជម្រុញកិច្ចសហប្រតិបត្តិការទ្វេភាគី ។

រុស្ស៊ី និងកូរ៉េខាងជើងរហូតមកទល់ពេលនេះ អាចឆ្លងកាត់ព្រំដែនទៅវិញទៅមកតាមផ្លូវដែកមួយនិងតាមផ្លូវអាកាសប៉ុណ្ណោះ។ កសាងអស់ពេល១៦ខែស្ពាននោះដែលមានប្រវែង១គីឡូម៉ែត្រ ជានិម្មិត្តរូបនៃការពង្រឹងទំនាក់ទំនងមិត្តភាពនិងជិតខាងល្អរវាងរុស្ស៊ី និងកូរ៉េខាងត្បូង ។

ប៉ុស្តិ៍ព្រំដែន KHASSAN ដែលនឹងអាចទទួល ការឆ្លងកាត់របស់រថយន្ត៣០០គ្រឿងនិងអ្នកដំណើរ២៣២៥នាក់ ក្នុង១ថ្ងៃ ក៏
កសាងឡើងដែរក្នុងក្របខណ្ឌនៃគម្រោងនេះ ដែលចាប់អនុវត្តពីថ្ងៃទី៣០ មេសា ឆ្នាំ២០២៥មក ។ តាម KCNA ថា ហេដ្ឋារចនាសម្ព័ន្ធថ្មីនេះនឹងជួយពង្រឹងថែមទៀតដល់កិច្ចសហប្រតិបត្តិការសេដ្ឋកិច្ចរវាងកូរ៉េខាងជើង និងរុស្ស៊ី៕
ចែករំលែកព័តមាននេះ