ខេត្តកណ្តាល ៖ រដ្ឋបាលស្រុកស្អាង សូមអំពាវនាវដល់ម្ចាស់រថយន្តធុនធំទាំងអស់ ៖ «ដេញពីឆ្វេង រត់ទៅចតស្តាំ ចិញ្ចើមផ្លូវស្រុតដក់ទឹកអស់ហើយ ។
ជាក់ស្តែងរដ្ឋបាលស្រុកស្អាង បានប្រកាសនាព្រឹកថ្ងៃទី៨ ខែកញ្ញានេះថា ៖ ដេញពីឆ្វេង រត់ទៅចតនៅស្តាំ លោកម្ចាស់ឡានធនធំ និងធ្ងន់ៗទាំងឡាយអើយ សូមលោកជួយមើលចិញ្ចើមផ្លូវដែលដក់ទឹកនេះទៅមើល៎ នេះហើយ លោកម្ចាស់ទាំងឡាយចតឡានដឹកទំនិញធ្ងន់ៗឡើងស្រុតផ្លូវដក់ទឹក ដូចក្នុងរូប បើរដ្ឋបាលស្រុកពុំមានវិធានការ នៅតែបន្តឱ្យម្ចាស់រថយន្តមកចតតទៅទៀត មិនត្រឹមតែគ្មានសណ្តាប់ធ្នាប់ទេ ផ្លូវនេះ ក៏កាន់តែខូចខ្លាំងជាងនេះ ពិតជាពុំខាន ដូចបានជម្រាបសូមចូលរួមសហការទាំងគ្នា ។
សូមរំលឹកថា ៖ កាលពីម្សិលមិញ រដ្ឋបាលស្រុកស្អាង ជម្រាបដល់ម្ចាស់រថយន្តធនធំ តូច ទាំងអស់ ដែលជានិច្ចជាកាលតែងតែយករថយន្តរបស់ខ្លួនមកចតទុកចោលលើផ្លូវ២១ មុខសាលាស្រុក អធិការដ្ឋាននគរបាលស្រុក មន្ទីរពេទ្យបង្អែកស្រុក និងមុខវិទ្យាល័យ ហ៊ុន សែន ស្អាង ទាំងអស់មេត្តាជ្រាបថា ៖ ដើម្បីថែរក្សាសណ្តាប់ធ្នាប់របៀបរៀបរយ នៅទីកន្លែងផ្តល់សេវាសាធារណៈ និងជៀសវៀងគ្រោះថ្នាក់ដោយយថាហេតុ ពេលបងប្អូនប្រជាពលរដ្ឋធ្វើដំណើរឆ្លងកាត់ ព្រមទាំងជាសុវត្ថិភាពពេលចូលកន្លែងផ្តល់សេវាសាធរណៈផងដែរនោះ រដ្ឋបាលស្រុកស្អាង សូមឱ្យលោក លោកស្រី ជាម្ចាស់រថយន្ត បញ្ឈប់សកម្មភាពយកឡានមកចត នៅទីតាំងខាងលើជាបន្ទាន់ ។
នេះជាសារជូនដំណឹងលើកទី១ ករណីលោក លោកស្រី ពុំអនុវត្តតាមសេចក្តីណែនាំ រដ្ឋបាលស្រុកនឹងចាត់វិធានការលើម្ចាស់រថយន្តដែលនៅតែបំពាន ៕
ចែករំលែកព័តមាននេះ