ADផ្ទាំងផ្សព្វផ្សាយពាណិជ្ជកម្ម

Picture

គ្រោះមហន្តរាយនៅឥណ្ឌា៖ អគារស្នាក់នៅរបស់និស្សិតបាក់ស្រុតដោយសារការជួសជុល បង្ខំឱ្យក្រុមសង្គ្រោះរុករកជន​រងគ្រោះ​ក្រោមគំនរដីបាក់បែក

2 ខែ មុន

ប្រទេស​ឥណ្ឌា ៖ ពួក​អ្នក​ជួយ​សង្គ្រោះ​ នា​ថ្ងៃ​ទី​៧ ​កញ្ញា​ បន្ត​ប្រតិបត្តិការ​ជួយ​សង្គ្រោះកាយ​រុករក​បណ្ដា​មនុស្ស​ដែល​អាច​ជាប់​ក្រោម​គំនរ​បាក់បែក បន្ទាប់​ពី​អគារ​មួយ​បាក់​នៅ​ក្រុង​ញូ​វ​ដែ​ល្លី បណ្ដាល​ឲ្យ​មនុស្ស​ស្លាប់​នាក់​។ នេះ​បើ​តាម​ការ​អះអាង​របស់​អាជ្ញាធរ​ឥណ្ឌា​។

អគារ​កម្ពស់​៥​ជាន់​នោះ​ ស្ថិត​ក្នុង​សង្កាត់​សាត​យ៉ា​នី​កេ​តាន់ ភាគ​ខាងត្បូង​រដ្ឋធានី​ឥណ្ឌា កន្លែង​រស់នៅ​របស់​និស្សិត​ច្រើន​នាក់ បាន​បាក់​កាលពី​ថ្ងៃ​ទី​៦ ​កញ្ញា​ ។ តាម​លទ្ធផល​ដំបូង​ៗ​នៃ​ការ​ស៊ើប​​​អង្កេត​ថា គ្រោះ​មហន្តរាយ​នោះ​កើត​មាន​ពេល​កំពុង​មានការ​ងារ​ជួសជុល​នៅ​ផ្នែក​ក្រោម​ដី​នៃ​អគារ ​។ មន្ទីរពេទ្យ​សំខាន់​មួយ​នៃ​ក្រុង​ញូ​វ​ដែ​ល្លី រាយការណ៍​ពី​ការ​បញ្ជូន​អ្នក​របួស​១០​នាក់​មក​កាន់​ទីនោះ​។ ក្នុង​ចំណោម​អ្នក​របួស​ទាំងនេះ​៥​នាក់​ស្លាប់​ ពេល​មក​ដល់​មន្ទីរពេទ្យ ចំណែ​ក​ម្នាក់​ទៀត​​ស្ថិត​ក្នុង​ស្ថានភាព​ធ្ងន់ធ្ងរ​បាន​ស្លាប់​បន្ត​ ។

បណ្ដា​អ្នក​ជួយ​សង្គ្រោះ​ដែល​មាន​ក្រុម​អ្នក​ពន្លត់ភ្លើង និង​ប៉ូលិស​បន្ត​ការ​រុករក​ជាមួយ​ជំនួយ​គ្រឿងចក្រ​ និង​ឆ្កែ​ហិតក្លិន ប៉ុនប៉ង់​រក​មនុស្ស​ដែល​អាច​ជាប់​ក្រោម​គំនរ​បាក់បែក​។ និស្សិត​ច្រើន​រយ​នាក់​រស់នៅ​ក្នុង​សង្កាត់​សា​ទី​យ៉ា​នី​កេ​តាន់​ ក្នុង​បណ្ដា​លំនៅ​ឋាន​ដែល​ជា​រឿយ​ៗ​មាន​មនុស្ស​ច្រើន​ហួស​ចំណុះ​ ។ ការ​បាក់​អគារ​តែង​កើត​មាន​ញឹកញាប់​នៅ​ឥណ្ឌា ដែល​សម្បូរ​ដោយ​សំណង់​ខុសច្បាប់​ ៕