ភ្នំភ្លើង អាន៉ាក កាតូអា ដែលមានទីតាំងនៅចម្ងាយជាង១៥០គីឡូម៉ែត្រពីពីរដ្ឋធានី បានចាប់ផ្តើមផ្ទុះ កាលពីថ្ងៃទី៥ កញ្ញា ដោយបាញ់កំអែរ និងបង្កើតសំឡេងផ្ទុះឮរហូតដល់ចម្ងាយ៧០០គីឡូម៉ែត្រ។ ការផ្ទុះបន្ថែមចំនួនពីរដងទៀត នៅថ្ងៃទី៦ កញ្ញា បានបណ្តាលឱ្យផេះភ្នំភ្លើងហុយមកដល់ដែននៃព្រលានយន្តហោះអន្តរជាតិ សឺការណូ ហាតតា (Soekarno-Hatta) ក្នុងរដ្ឋធានីហ្សាការតា ។

ក្រសួងដឹកជញ្ជូនឥណ្ឌូណេស៊ីបានប្រកាសពន្យារពេល និងបន្តបិទសកម្មភាពព្រលានយន្តហោះ រហូតដល់ម៉ោង១៣:៣០នាទី ថ្ងៃទី៦ កញ្ញា ។

ការបិទដំណើរការនេះ បានប៉ះពាល់ដល់ជើងហោះហើរចំនួន២០៩ជើង និងអ្នកដំណើរជាង២២,០០០នាក់ ដោយក្នុងនោះជើងហោះហើរទៅកាន់ប្រទេសសិង្ហបុរីរងផលប៉ះពាល់ខ្លាំងជាងគេ ។


ចែករំលែកព័តមាននេះ