មេបញ្ជាការកងទ័ពអាមេរិកនៅអាហ្វហ្គានីស្ថានរាយការណ៍កាលពីថ្ងៃទី១០ សីហា ថា ពួកតាលីបង់ដែលវាយប្រហារឧទ្ធម្ភាគចក្រយោធាអាមេរិកមួយគ្រឿងនៅអាហ្វហ្គានីស្ថានបណ្តាលឱ្យស្លា.ប់ទាហានអាមេរិក៣០នាក់ និងទាហានអាហ្វហ្គានីស្ថាន៨នាក់បានត្រូវសម្លា.ប់ដោយកងទ័ពចម្រុះ។
មេបញ្ជាការកងទ័ពអាមេរិកនៅអាហ្វហ្គានីស្ថានរាយការណ៍កាលពីថ្ងៃទី១០ សីហា ថា ពួកតាលីបង់ដែលវាយប្រហារឧទ្ធម្ភាគចក្រយោធាអាមេរិកមួយគ្រឿងនៅអាហ្វហ្គានីស្ថានបណ្តាលឱ្យស្លាប់ទាហានអាមេរិក៣០នាក់ និងទាហានអាហ្វហ្គានីស្ថាន៨នាក់បានត្រូវសម្លាប់ដោយកងទ័ពចម្រុះ។
ឧត្តមសេនីយ៍ចន អាល់ឡេន មេបញ្ជាការកងទ័ពអាមេរិក និងអូតង់នៅអាហ្វហ្គានីស្ថានថ្លែងទៅកាន់ក្រុមអ្នកកាសែតនៅមន្ទីរប៉ង់តាហ្គោនថា កងកម្លាំងចម្រុះបានប៉ះទង្គិចជាមួយពួកសកម្មប្រយុទ្ធ ក្នុងការវាយប្រហារមួយ។ ទាហានអាមេរិក៣០នាក់ស្លាប់ពេលឧទ្ធម្ភាគចក្រធុន CH-47 CHINOOK ត្រូវបាញ់ធ្លាក់ដោយរ៉ុក្កែតមួយគ្រាប់ពីសំណាក់ពួកតាលីបង់កាលពីថ្ងៃទី៦ សីហា កន្លងមកនេះ។
លោកអាល់ឡេន ថ្លែងទៀតថា ក្រោយបាញ់ធ្លាក់ឧទ្ធម្ភាគចក្រនេះ កងទ័ពចម្រុះបានតាមប្រមាញ់ពួកសកម្មប្រយុទ្ធដែលជាអ្នកទទួលខុសត្រូវលើការបាញ់ឧទ្ធម្ភាគចក្រនេះរួចសម្លាប់ពួកគេក្នុងការវាយប្រហារតាមអាកាសមួយរបស់យន្តហោះធុន F-16។
កងទ័ពចម្រុះនៅអាហ្វហ្គានីស្ថានបានចេញផ្សាយសេចក្តីថ្លែងការណ៍មួយដោយនិយាយថា ប្រមុខមូលដ្ឋានម្នាក់របស់ពួកតាលីបង់ និងពួកបះបោរដែលចូលរួមក្នុងការបាញ់ឧទ្ធម្ភាគចក្រត្រូវបានសម្លាប់។ ការវាយប្រហារបានសម្លាប់លោកមូឡាហ៍ម៉ូហ៊ី ប៊ុលឡាហ៍ និងពួកបះបោរដែលបានបាញ់គ្រាប់រ៉ុក្កែតលើឧទ្ធម្ភាគចក្រ CH-47 ៕
ចែករំលែកព័តមាននេះ