ខេត្តតាកែវ៖ មន្ត្រីចម្រុះមានមន្ទីរសាធារណការនិងដឹកជញ្ជូនខេត្ត ប៉ូលិសចរាចរខេត្ត និងប៉េអឹម ក្នុងរយៈពេល២ថ្ងៃ គឺថ្ងៃទី៨ និងទី៩សីហា កន្លងទៅនេះ បានចុះត្រួតពិនិត្យយានយន្តផ្ទុកទំនិញសំពីងសំពោងនិង ខុសបទដ្ឋានបច្ចេកទេសតទ្រុងថែមភ្លៅដែលបានបើកបរនៅលើផ្លូវ សាធារណៈ ។
ខេត្តតាកែវ៖ មន្ត្រីចម្រុះមានមន្ទីរសាធារណការនិងដឹកជញ្ជូនខេត្ត ប៉ូលិសចរាចរខេត្ត និងប៉េអឹម ក្នុងរយៈពេល២ថ្ងៃ គឺថ្ងៃទី៨ និងទី៩សីហា កន្លងទៅនេះ បានចុះត្រួតពិនិត្យយានយន្តផ្ទុកទំនិញសំពីងសំពោងនិងខុសបទដ្ឋានបច្ចេកទេសតទ្រុងថែមភ្លៅដែលបានបើកបរនៅលើផ្លូវសាធារណៈ ។
លោកអ៊ុំ អួក ប្រធានមន្ទីរសាធារណការនិងដឹកជញ្ជូនខេត្តបានឱ្យដឹងថា ក្រុមចម្រុះដែលបានចុះទៅត្រួតពិនិត្យយានយន្តនិងជលយានយន្តផ្ទុកទំនិញរយៈពេល២ថ្ងៃនេះមានចំនួន៣កន្លែងនៅថ្ងៃទី៨ សីហា យើងបានទៅត្រួតពិនិត្យនៅកំពង់ទូកស្រុកអង្គរបុរី ដោយបានឃាត់រថយន្តធុនធំដឹកទំនិញចំនួន៧គ្រឿង ក្នុងនោះរថយន្តមានសំណុំឯកសារគ្រប់គ្រាន់ចំនួន៦គ្រឿង ១គ្រឿងទៀតអត់មានឯកសារយើងបានធ្វើការផាកពិន័យ និងអប់រំម្ចាស់រថយន្ត ។ ជាមួយគ្នានេះ រថយន្តទេសចរណ៍៦គ្រឿង មានសំណុំឯកសារគ្រប់គ្រាន់ ៤គ្រឿង ឯ២គ្រឿងទៀតអត់មានត្រូវបានពិន័យទៅតាមច្បាប់ ហើយយើងបានធ្វើការអប់រំនិងណែនាំម្ចាស់យានយន្តកែច្នៃឱ្យមានលក្ខណៈបច្ចេកទេសត្រឹមត្រូវបានចំនួន៣ គ្រឿង ។
លោកប្រធានមន្ទីរបានបន្តទៀតថា ចំណែកនៅថ្ងៃទី៩ សីហា ក្រុមចម្រុះបានឃាត់រថយន្តធុនធំដឹកទំនិញនៅតាមបណ្តោយផ្លូវជាតិលេខ២ ចំណុចវត្តភ្នំខ្លែង ស្រុកទ្រាំង ចំនួន២២គ្រឿង ក្នុងនោះរថយន្តទេសចរណ៍៣២គ្រឿង យានយន្តមានឯកសារគ្រប់គ្រាន់ចំនួន៤៤គ្រឿង អត់ឯកសារចំនួន៦គ្រឿង យើងបានធ្វើការផាកពិន័យទៅតាមច្បាប់ និងណែនាំម្ចាស់យានយន្តត្រូវមានលិខិតស្នាមឱ្យបានគ្រប់គ្រាន់នៅពេលក្រោយ។ នៅរសៀលថ្ងៃដដែលក្រុមចម្រុះបានត្រួតពិនិត្យយានយន្តនៅចំណុចកំពង់់ទូក កំពង់អំពិល ស្រុកបុរីជលសា ដោយបានធ្វើការអប់រំណែនាំដល់ម្ចាស់យានយន្តមិនត្រូវវដឹកទំនិញខ្ពស់ពីទ្រុងនិងលើសទម្ងន់ទៅតាមច្បាប់កំណត់ចំនួន១៣គ្រឿង ។
លោកវរសេនីយ៍ត្រីឡាច សូម ប្រធានក្រុមចម្រុះដែលត្រួតពិនិត្យយានយន្តបានឱ្យដឹងថា រយៈពេល២ថ្ងៃនេះ យើងបានធ្វើការត្រួតពិនិត្យយានយន្តដែលបើកបរនៅតាមផ្លូវសាធារណៈ មានរថយន្តដឹកទំនិញធុនធំចំនួន២៧គ្រឿងក្នុងនោះមានលិខិតស្នាមគ្រប់គ្រាន់២៥គ្រឿង អត់មានលិខិតបទដ្ឋានបច្ចេកទេសនៃច្បាប់ចរាចរណ៍២គ្រឿង យានយន្តទេសចរណ៍ចំនួន៣៦គ្រឿង ក្នុងនោះមានលិខិតគ្រប់គ្រាន់២៩គ្រឿង អត់មានលិខិតស្នាម៧គ្រឿង ។ ចំពោះយានយន្តអត់មានលិខិតស្នាមត្រឹមត្រូវ អ្នកបើកបរគ្មានប័ណ្ណបើកបរ ហើយយានយន្តគ្មានលិខិតច្បាស់លាស់់តទ្រុងថែមទៀត យើងបានផាកពិន័យនិងណែនាំម្ចាស់យានយន្តត្រូវតែបំពេញបែបបទឱ្យបានត្រឹមត្រូវ បើមិនដូច្នេះទេ យើងនឹងរឹបអូសយកយានយន្តទាំងនោះទៅរក្សាទុកនៅស្នងការដ្ឋាននគរបាលខេត្ត ៕
ចែករំលែកព័តមាននេះ