អាជ្ញាធរស្រុកស្នើគ្រប់ឃុំ ដោះស្រាយបញ្ហាប្រឈមនានា និងឆ្លើយតបសំណូមពររបស់ពលរដ្ឋក្នុងមូលដ្ឋាន ឱ្យបានឆាប់រហ័ស
- តាកែវ
ខេត្តតាកែវ ៖ លោក កង អាណាន់ អភិបាលស្រុកអង្គរបូរី បានអញ្ជើញជាអធិបតីដឹកនាំកិច្ចប្រជុំពង្រឹងរបៀបរបបការងារ តួនាទីភារកិច្ច របស់ មេឃុំ ក្រុមប្រឹក្សាឃុំ មេភូមិ អនុភូមិ និងសមាជិកភូមិ គ្រប់ឃុំ ទូទាំងស្រុកអង្គរបូរី ខេត្តតាកែវ។
លោកកង អាណាន់ អភិបាលស្រុកអង្គរបូរីបានបញ្ជាក់ថា កិច្ចប្រជុំនេះធ្វើឡើងមានគោលបំណង គឺដើម្បីពង្រឹងការដឹកនាំ ការសហការ សាមគ្គីភាពគ្នា និងការអនុវត្តការងារនៅមូលដ្ឋានឱ្យកាន់តែមានប្រសិទ្ធភាព និងការពង្រឹងកិច្ចសហការល្អរវាងឃុំ និងមូលដ្ឋាន ដើម្បីដោះស្រាយបញ្ហាប្រឈមនានា ឆ្លើយតបសំណូមពរជូនប្រជាពលរដ្ឋបានទាន់ពេលវេលា។
លោកអភិបាលស្រុក ក៏បានឧបត្ថម្ភនូវថវិកាផ្លាល់ខ្លួនលោក និងភរិយា ជូនដល់មេភូមិ អនុភូមិ សមាជិកភូមិ ចំនួន១០២នាក់ ស្មើនឹង៣៤ភូមិ ដោយក្នុង១នាក់ ទទួលបានថវិកាចំនួន១០,០០០រៀលផងដែរ។
កិច្ចប្រជុំបានធ្វើឡើងនៅថ្ងៃទី២ ខែកញ្ញា ឆ្នាំ២០២៦ នៅសាលប្រជុំសាលាស្រុកអង្គរបូរី ៕
ចែករំលែកព័តមាននេះ