បាក់ឌុបឆ្នាំនេះ! ខេត្តកំពង់ឆ្នាំង មានសិស្សជាប់និទ្ទេស A ចំនួន ៣១នាក់ និងប្រឡងជាប់ទូទាំងខេត្តសរុបជិត ៤ពាន់ នាក់
- កំពង់ឆ្នាំង
ខេត្តកំពង់ឆ្នាំង៖ លទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ក្នុងខេត្តកំពង់ឆ្នាំងបានបង្ហាញថា មានបេក្ខជនប្រឡងជាប់សរុបចំនួន ៣ ៩៣៨ នាក់ ត្រូវជាប្រមាណ ៧៧.៨៩% នៃបេក្ខជនមកប្រឡងសរុប ៥ ០៥៣ នាក់។
ផ្អែកតាមទិន្នន័យលទ្ធផលនៃការប្រឡង ថ្នាក់ដឹកនាំនិងអ្នកពាក់ព័ន្ធបានសម្តែងនូវការអបអរសាទរចំពោះខិតខំប្រឹងប្រែងរបស់បេក្ខជនទាំងអស់ ដោយក្នុងនោះមាននិទ្ទេសទទួលបានដូចខាងក្រោម៖
និទ្ទេស A៖ មានចំនួន ៣១ នាក់ (ក្នុងនោះសិស្សស្រីមានចំនួន ១២ នាក់)
និទ្ទេស B៖ មានចំនួន ២៣៦ នាក់ (ក្នុងនោះសិស្សស្រីមានចំនួន ១៦៧ នាក់)
និទ្ទេស C៖ មានចំនួន ៦៧២ នាក់
និទ្ទេស D៖ មានចំនួន ១ ៣៦៩ នាក់
និទ្ទេស E៖ មានចំនួន ១ ៦៣០ នាក់។
សូមរំលឹកថា បេក្ខជនដែលបានដាក់ពាក្យប្រឡង សញ្ញាបត្រទុតិយភូមិឆ្នាំនេះមានសរុបចំនួន ៥០៦៣នាក់ ស្រី២៩៧០នាក់។បានចូលរួមប្រលងចំនួន៤៩៩៨នាក់ ស្រី២៩៤៨នាក់ ។
លទ្ធផលគួរឲ្យកត់សម្គាល់នាឆ្នាំនេះ បង្ហាញពីការយកចិត្តទុកដាក់ខ្ពស់របស់ក្មួយៗសិស្សានុសិស្ស ព្រមទាំងការខិតខំប្រឹងប្រែងប្រៀបប្រដៅពីសំណាក់លោកគ្រូ អ្នកគ្រូ និងការជួយជ្រោមជ្រែងពីមាតាបិតាអាណាព្យាបាលសិស្សក្នុងខេត្តកំពង់ឆ្នាំងទាំងមូលផងដែរ៕
ចែករំលែកព័តមាននេះ