សាលារាជធានីភ្នំពេញបានចាត់ចែងឱ្យអាជីវករលក់បន្លែ-ផ្លែឈើដែលរងគ្រោះដោយអគ្គិភ័យទៅលក់នៅអតីតម៉ុងឌីយ៉ាល់
- ភ្នំពេញ
រាជធានីភ្នំពេញ ៖ បន្ទាប់ពីអាជីវករចំនួន២១១តូប បានរងគ្រោះដោយសារអគ្គិភ័យឆាបឆេះផ្សារA៥ ហៅផ្សារ«នាគមាស» សាលារាជធានីភ្នំពេញ ក៏ដូចជាអាជ្ញាធរខណ្ឌទូលគោក បានយកចិត្តទុកដាក់ចាត់ចែងរៀបចំឱ្យអាជីវករទាំងអស់ទៅលក់ដូរនៅដីវាល អតីតម៉ុងឌីយ៉ាល់ ដែលស្ថិតនៅខាងជើងនៃទីតាំងផ្សារដែលត្រូវអគ្គិភ័យឆាបឆេះ ។
ការរៀបចំឱ្យអាជីវករទៅលក់ដូរនេះ ដើម្បីជួយសម្រួលឱ្យអាជីវករបានលក់ដូរ ដោយមានរបៀបរាបរយ និងសម្រួលដល់ការខ្វះខាតរបស់អាជីវកររងគ្រោះ ខណៈពេលដែរផ្សារត្រូវបានគេរុះរើធ្វើការជួសជុល និងសាងសង់ឡើងវិញ ។ នៅព្រឹកថ្ងៃទី២៩
ខែសីហា ឆ្នាំ២០២៦ នេះ លោកជា ពិសី អភិបាលនៃគណៈអភិបាលខណ្ឌទួលគោក ក៏បានចុះទៅមើលទីតាំង និងរៀបចំវាស់វែងឱ្យបងប្អូនអាជីវករបានដំណើរការលក់ដូរឡើងវិញ ។
លោកជា ពិសី អភិបាលនៃគណៈអភិបាលខណ្ឌទួលគោកបានជួបអាជីវករ លោកក៏បានចូលរួមសោកស្តាយ ដែលបងប្អូនរងគ្រោះដោយអគ្គិភ័យនេះ ។ បន្ទាប់ពីកើតមានអគ្គិភ័យនេះ លោកចុះមកផ្ទាល់ ហើយលោកសុខ ពេញវុធ អភិបាលរងរាជធានី
ភ្នំពេញចុះមក ដឹកនាំកម្លាំងសហការជាមួយសមត្ថកិច្ចជំនាញ ជួយអន្តរាគមន៍បាញ់ពន្លត់តែដោយសារតែជាតិស្នោ, កុងប្លាកេ និងតូប សង់ជាប់ៗគ្នាភ្លើងឆេះលឿន យើងពុំអាចទប់ស្កាត់បានទាន់ពេល ។
លោកអភិបាលខណ្ឌក៏បានអោយដឹងទៀតថា ដើម្បីអោយបងប្អូនបានលក់ដូរឡើងវិញបានស្រួល និងជួយសម្រួលដល់បងប្អូនរងគ្រោះ,លោកអភិបាលរាជធានីភ្នំពេញបានគិតគូរយ៉ាងខ្លាំង ហើយបានទាក់ទងអោយម្ចាស់ផ្សារចាត់ចែងខ្ចីទីតាំងអតីតម៉ុង
ឌីយ៉ាល់នេះ រៀបចំអោយបងប្អូនលក់ដូរបណ្តោះអាសន្ន ទំរាំទីតាំងចាស់ត្រូវរុះរើសាងសង់ឡើងវិញ ។
នៅក្នុងការរៀបចំទីតាំងថ្មីបណ្តោះអាសន្ននោះ អភិបាលខណ្ឌក៏បានបញ្ជាក់ថា រៀបចំតាមប្លង់ចាស់ដដែល ដោយបងប្អូនអាជីវករលក់ដូរនៅកន្លែងណា គឺលក់នៅកន្លែងនោះដដែរ ។ ទន្ទឹមនឹងនោះ អាជីវកររងគ្រោះ ក៏បានត្រេកអររីករាយ ដោយទទួលយកកន្លែងលក់ដូរតាមការរៀបចំរបស់អាជ្ញាធរ ៕
ចែករំលែកព័តមាននេះ