ប្រឈមបញ្ហាគ្រោះរាំងស្ងួតជិត១ខែ ស្រូវប្រជាពលរដ្ឋរាប់សិបហិកតានៅខេត្តកំពង់ស្ពឺ កំពុងត្រូវការទឹកស្រោចជាបន្ទាន់
- កំពង់ស្ពឺ
ខេត្តកំពង់ស្ពឺ ៖ ដោយមើលឃើញពីទុក្ខលំបាករបស់ប្រជាពលរដ្ឋ កំពុងជួបប្រទះនូវបញ្ហាគ្រោះរាំងស្ងួត មិនមានភ្លៀងធ្លាក់ប្រមាណជិត១ខែមកហើយនោះ ស្រូវរបស់ប្រជាពលរដ្ឋជាច្រើនហិកតា កំពុងតែជួបប្រទះនូវការក្រៀមស្វិតបណ្តើរៗហើយ ដោយត្រូវការទឹក ដើម្បីស្រោចស្រពជាបន្ទាន់នោះ។
ជាក់ស្តែង កាលពីថ្ងៃទី២៨ ខែសីហា ឆ្នាំ២០២៦ លោក យឹម ណន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ បានដឹកនាំមន្ត្រីជំនាញ ចុះពិនិត្យដំណាំស្រូវ ដែលទទួលរងផលប៉ះពាល់គ្រោះរាំងស្ងួត និងបានជួយឧបត្ថម្ភប្រេងម៉ាស៊ូត ដើម្បីបូមទឹកសង្គ្រោះ ស្រូវរបស់ប្រជាពលរដ្ឋនៅក្នុងភូមិថ្លុកឈើទាល សង្កាត់សុព័រទេព ក្រុងច្បារមន ដែលមានផ្ទៃដីចំនួន៣០ហិកតា និងមួយទីតាំងទៀតនៅក្នុងភូមិគក និងភូមិដក់ពរ ឃុំព្រះនិពាន្ធ ស្រុកគងពិសី ដែលមានផ្ទៃដីចំនួន៤៦ហិកតា និងភូមិព្រៃទួល ឃុំវល្លិសរ ស្រុកសំរោងទង ដែលមានផ្ទៃដីចំនួន៦០ហិកតា និងមានការចូលរួមពីមន្ត្រីកសិកម្មឃុំ និងលោកមេភូមិផង
ដែរ។
នៅក្នុងការចុះពិនិត្យលើស្ថានភាពស្រែស្រូវរបស់ប្រជាពលរដ្ឋនោះ លោក យឹម ណន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ស្ពឺ ក៏បានជួយឧបត្ថម្ភប្រេងម៉ាស៊ូតមានដូចជា៖ ក្នុងភូមិថ្លុកឈើទាល សង្កាត់សុព័រទេព ក្រុងច្បារមនចំនួន
(៣ប៊ីដុង) ស្មើនឹង៩០លីត្រ និងនៅក្នុងភូមិគក និងភូមិដក់ពរ ឃុំព្រះនិពាន្វ ស្រុកគងពិសីចំនួន៣ប៊ីដុង ស្មើនឹង៩០លីត្រផង
ដែរ៕
ចែករំលែកព័តមាននេះ