សង្ស័យស្រវឹងស្រា បងទា.ញកាំ.បិតផ្គា.ក់ប្រុងកា.ប់ប្អូន ម្តាយទ្រាំលែងបាន ប្តឹងអាវុធហត្ថខេត្តឃាត់ខ្លួន
- កំពង់ស្ពឺ
ខេត្តកំពង់ស្ពឺ ៖ បុរសម្នាក់ត្រូវបានកម្លាំងកងរាជអាវុធហត្ថខេត្តកំពង់ស្ពឺធ្វើការឃាត់ខ្លួន តាមពាក្យបណ្តឹងរបស់ម្តាយ ខណៈដែលបុរសរូបនោះសង្ស័យស្រវឹងស្រា ហើយទាញយកកាំបិតផ្គាក់ប្រុងកាប់ប្អូនប្រុសបង្កើត សំណាងល្អ រត់គេចទាន់ មិនទាន់ដឹងមូលហេតុច្បាស់លាស់ទេ ។
ករណីហិង្សាក្នុងគ្រួសារទាញកាំបិតផ្គាក់ប្រុងកាប់ប្អូនប្រុសបង្កើត បង្កការភ្ញាក់ផ្អើលកាលពីវេលាម៉ោង៨ និង៣៨នាទីយប់ថ្ងៃទី២៧ សីហា ឆ្នាំ២០២៦ ស្ថិតនៅក្នុងភូមិស្នោរទី១ សង្កាត់រការធំ ក្រុងច្បារមន ខេត្តកំពង់ស្ពឺ ។
មន្ត្រីកងរាជអាវុធហត្ថខេត្តកំពង់ស្ពឺបាននិយាយឱ្យដឹងថា កាលពីវេលាម៉ោងជាង៨យប់ថ្ងៃទី២៧ ខែសីហា មានប្រជាពលរដ្ឋ ឈ្មោះ ប្រាក់ ចាន់សុខ ភេទស្រី អាយុ៥៤ឆ្នាំ បានខលទំនាក់ទំនងតាមរយៈលេខទូរស័ព្ទ១២៩២ អន្តរាគមន៍សង្គ្រោះបន្ទាន់ (HoteLine)1292 បានរាយការណ៍ មានករណីហិង្សាក្នុងគ្រួសារមួយបានកើតឡើង ស្ថិតនៅភូមិស្នោរទី១ សង្កាត់រកាធំ ក្រុងច្បារមន ខេត្តកំពង់ស្ពឺ ។
ក្រោយពីទទួលបានការរាយការណ៍រួចភ្លាមៗនោះ នៅវេលាម៉ោ៨ និង៥៥នាទី ថ្ងៃទី២៧ ខែសីហា ឆ្នាំ២០២៦ កម្លាំងមូលដ្ឋានកងរាជអាវុធហត្ថក្រុងច្បារមន បានចុះទៅដល់ទីតាំងកើតហេតុ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីហិង្សាក្នុងគ្រួសារ ដោយបានយកកាំបិតផ្គាក់គំរាមដេញកាប់ប្អូនប្រុសបង្កើតរបស់ខ្លួន មិនទាន់ដឹងមូលហេតុច្បាស់លាស់។
មន្ត្រីកងរាជអាវុធហត្ថខេត្តកំពង់ស្ពឺ បានបន្តឱ្យដឹងថា ជនសង្ស័យដែលឃាត់ខ្លួនបានមានឈ្មោះ ហ៊ឹម ច័ន្ទសិរី ភេទប្រុស អាយុ៣៤ឆ្នាំ មុខរបរធ្វើពេទ្យ រស់នៅក្នុងស្នោរទី១ សង្កាត់រការធំ ក្រុងច្បារមន ខេត្តកំពង់ស្ពឺ។ ក្រោយឃាត់ខ្លួនជនសង្ស័យ កម្លាំងអាវុធហត្ថធ្វើការ ដកហូតវត្ថុតាងរួមមាន កាំបិតផ្គាក់ ចំនួន១ដើម។
បច្ចុប្បន្ន ជនសង្ស័យ រួមជាមួយនឹងវត្ថុតាងបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីអនុវត្តបន្តតាមផ្លូវច្បាប់៕
ចែករំលែកព័តមាននេះ