សន្តិសុខ និងអាជីវករ ចាប់បានចោរម្នាក់ប្រចាំផ្សារទំនើប«ភូពុយ»ប្រគល់ឱ្យប៉េអឹមចាត់ការ
- បាត់ដំបង
ខេត្តបាត់ដំបង ៖ បុរសម្នាក់ដែលជាមុខសញ្ញាធ្វើសកម្មភាព«លួច»ប្រចាំផ្សារទំនើប«ភូពុយ» ត្រូវបានកម្លាំងសន្តិសុខ និង ក្រុមអាជីវករចាប់ជាប់ជាមួយនឹងវត្ថុតាង (ផ្លែឈើ) ក្នុងដៃផង ប្រគល់ឲ្យកម្លាំងកងរាជអាវុធហត្ថចាត់ការតាមនីតិវិធី កាលពីល្ងាចថ្ងៃទី ២៦ សីហា នៅចំណុចផ្សារទំនើប«ភូពុយ» ស្ថិតក្នុងសង្កាត់អូរចា ក្រុងបាត់ដំបង។
ជនសង្ស័យឈ្មោះ រ៉ា ភេទប្រុសអាយុ៣៦ឆ្កាំ នៅភូមិអណ្ដូងចេញ សង្កាត់អុរចា ក្រុងបាត់ដំបង។ ជននេះត្រូវបានសន្តិសុខ និង អាជីវករចំណាំមុខច្បាស់ថា ជាមុខសញ្ញា«លួច»ប្រចាំផ្សារ«ភូយពុយ» តែគ្មាននរណាតាមទាន់ឬចាប់បានម្ដងណាទេ ទើបតែលួចម្ដងនេះ ក៏ត្រូវសន្តិសុខផ្សារ និង អ្នកលក់ព្រូតគ្នាចាប់ប្រគល់ឲ្យសមត្ថកិច្ចតែម្ដង។
បើតាមអាជីវករផ្សារ«ភូពុយ» បានប្រាប់ថា នៅថ្ងៃកើតហេតុ ជនសង្ស័យខាងលើនេះបានជិះម៉ូតូស៊េរីថ្មី ចូលផ្សារ«ភូពុយ» ឆ្វែលចុះ ឆ្វែលឡើង ក៏ទៅលួចយកផ្លែឈើអ្នកលក់នៅក្នុងផ្សារ។
ប្រភពដដែលបានបញ្ជាក់ថា ស្ទើររាល់លើក ជននេះបានធ្វើសកម្មភាពលួចយករបរផ្សេងៗ បានជោគជ័យ ព្រោះម្ចាស់តាមមិនទាន់ មើលឃើញតែសកម្មភាពប្រព្រឹត្តបទល្មើសរបស់ជននេះតាម«កាមេរ៉ាសុវត្ថិភាព»។ ប៉ុន្តែនៅពេលចូលលូចផ្លៃឈើគេលើកចុងក្រោយនេះ ភ្លាត់ស្នៀតត្រូវម្ចាស់គេឃើញទាន់ពេលជននេះលើកផ្លែឈើមួយកេះដាក់លើម៉ូតូ ក៏ស្រែកឆោឡោផ្អើលអ្នកផ្សារ និង សន្តិសុខ ដេញតាមចាប់ក្របួចជាប់ ទាំងមនុស្សទាំងផ្លែឈើ (វត្ថុតាង) រួចប្រគល់ឲ្យកម្លាំងកងរាជអាវុធហត្ថក្រុងបាត់ដំបង ចាត់ការតាមនីតិវិធី។
ក្រោយពីទទូលជនសង្ស័យបានពីសន្តិសុខ និង អាជីវករ មន្ត្រីកងរាជអាវុធហត្ថបានប្រាប់ដែរថា ពេលនេះជនសង្ស័យបាននិងកំពុងសួរនាំ និង ចាត់ការតាមនីតិវិធីហើយ៕
ចែករំលែកព័តមាននេះ