ចាប់ខ្លួនអ្នកលក់បារីអេឡិចត្រូនិកម្នាក់ ក្រោយបង្ក្រា.បក្រុមយុវ័យដែលញៀ.នជក់បារីនេះ
- បាត់ដំបង
ខេត្តបាត់ដំបង ៖ ក្រោយចុះបង្ក្រាបក្រុមយុវ័យដែលប្រមូលផ្ដុំគ្នាជក់បារីអេឡិចត្រូនិកនេះជាបន្តបន្ទាប់កាលពីសប្ដាហ៏មុន កម្លាំងការិយាល័យប្រឆាំងគ្រឿងញៀន នៃស្នងការខេត្ត បានឈានដល់ការឃាត់ខ្លួនអ្នកលក់ដុំបារីដែលមានសារធាតុញៀននេះម្នាក់ទៀត កាលពីថ្ងៃទី ២៦ សីហា នៅភូមិអន្លង់វិល ឃុំអន្លង់វិល ស្រុកសង្កែ ដែលជាប្រភពដើម ដែលនាំឲ្យក្រុមយុវសិស្សមួយចំនួនប្រមូលផ្ដុំគ្នា ជក់រហូតដល់ញៀនភ្លេចចូលសាលា។
របាយការណ៏សមត្ថកិច្ច បានឲ្យដឹងថា ជនសង្ស័យឬមេខ្លោងលក់បារីអេឡិចត្រូនិកនេះឈ្មោះ វ៉ាន់ វ៉ានដេត ភេទប្រុសអាយុ២៨ឆ្នាំ នៅភូមិស្វាយកង់ ឃុំអន្លង់វិល ស្រុកសង្កែ។ ជាមួយនឹងការឃាត់ខ្លួននេះ មន្ត្រីការិយាល័យជំនាញ បានហឲដកហូតវត្ថុតាងបានមួយចំនួនមាន៖ ១.បារ៉អេឡិចត្រូនិកម៉ា YOOZ ចំនួន០៧ប្រអប់ ដែលគេសង្ស័យមានសារធាតុញៀនប្រភេទ«អិចស្ដាស៊ី» ២.ក្បាលឧបករណ៏ជក់បារីអេឡិចត្រូនិកម៉ាក NOVA ចំនួន៤៥ដើម (មានសារធាតុញៀន អិចស្ដាស៊ី) ៣.ស្លាចិនចំនួន០១កញ្ចប់ (កំណត់សារធាតុញៀនមិនទាន់បាន) ៤.បារីអេឡិចត្រូនិកចំនួន០៨ដើម ក្បាលបារីចំនួន០៧ដើម កូនដបសម្រាប់ដាក់ទឹក YOOZ មួយចំនួន រួមទាំងវត្ថុតាងពាក់ព័ន្ធមួយចំនួនទៀត។
លោក សុខ និមល ស្នងការរងទទូលផែនប្រឆាំងបទល្មើសគ្រឿងញៀន បានប្រាប់ថា ជនសង្ស័យខាងលើនេះ ត្រូវបានកម្លាំងការិយាល័យជំនាញ ចុះសហការជាមួយកម្លាំងជំនាញ អធិការស្រុកសង្កែ ចុះទៅឃាត់ខ្លួននាំមកសួរនាំ ដោយយោងតាមចម្លើយសារភាពរបស់ក្រុមអ្នកជក់បារីអេឡិចត្រូនិកនេះ ដែលកម្លាំងការិយាល័យជំនាញ ចុះបង្ក្រាបកាលពីសប្ដាហ៏មុន។
លោកស្នងការរងបានបញ្ជាក់ថា ជនឈ្មោះ វ៉ាន់ វ៉ានដេត នេះជាប្រភពដើម នៃការលក់ចែកចាយ«បារីអេឡិចត្រូនិក ដែលមានសារធាតុញៀន»នេះ ដល់ក្រុមយុវ័យនានា ដែលនិយមទិញយកទៅប្រើប្រាស។ ក្រុមអ្នកញៀនបារីទាំងនោះ បានសារភាពចង្អុលបង្ហាញពីប្រភពដើម នៃទីផ្សារលក់បារីដែលមានសារធាតុញៀននេះ ទើបលោកស្នងការខេត្ត ចេញបញ្ជាឲ្យកម្លាំងការិយាល័យជំនាញ សហការជាមួយកម្លាំងជំនាញ នៃអធិការស្រុកសង្កែ ធ្វើការស្រាវជ្រាវរហូតឈានដល់ការឃាត់ខ្លួនម្ចាស់ទីតាំងលក់បារីនេះ ថែមទាំងដកហូតបានវត្ថុតាងជាច្រើន។
កាលពីសប្ដាហ៏មុន កម្លាំងការិយាល័យប្រឆាំងបទល្មើសគ្រឿងញៀន នៃស្នងការខេត្ត បានចុះបង្ក្រាបយុវ័យមួយក្រុម ដែលកំពុងប្រមូលផ្ដុំគ្នាជក់បារីអេឡិចត្រូនិកនេះនៅក្នុងហាងកាហ្វេមួយកន្លែង នៅក្នុងក្រុងបាត់ដំបង ហើយក្រោយមក មន្ត្រីជំនាញដដែល បានធ្វើការស្រាវតាមឃាត់ខ្លួនអ្នកលក់ចែកចាយបារីនេះម្នាក់ទៀត និង ចុងក្រោយនៅថ្ងៃទី ២៦ សីហា ទើបសមត្ថកិច្ចឈានដល់ការឃាត់ខ្លួនមេឈ្មួញូកណ្ដាលម្នាក់ទៀត នៅស្រុកសង្កែ ជាមួយនឹងវត្ថតាងជាច្រើនដែលត្រូវបានរឹបអូស។
គេសង្កេតឃើញអ្នកប្រើប្រាស ឬ អ្នកញៀនបារី«អេឡិចត្រូនិក ដែលមានសារធាតុញៀន» នេះភាគច្រើនជាក្រុមយុវ័យមានប្រុស មានស្រី។ ពោល៖ គឺភាគច្រើនជាក្រុមយុវសិស្សតែម្ដង។ ពួកគេតែងប្រមូលផ្ដុំគ្នាជក់បារីអេឡិចត្រូនិកនេះ នៅតាមហាងកាហ្វេនានា ដែលមានលក្ខណៈបិតបាំង តែពួកគេប្រើប្រាសដោយចំហរនៅក្នុងហាងកាហ្វេ។
បច្ចុប្បន្នគេតាមដានឃើញមានហាងកាហ្វេមួយចំនួននៅក្នុងក្រុងបាត់ដំបង បាននិងកំពុងផ្ដល់ជាជម្រកយ៉ាងសុខសាន្តដល់ក្រុមយុវសិស្សប្រុស ស្រី សម្ងំប្រើប្រាសបារីដែលមានសារធាតុញៀននេះ។
បើតាមប្រភពព័ត៏មានបានបង្ហើបឲ្យដឹងថា ទិតាំងដែលកម្លាំងសមត្ថកិច្ចបង្ក្រាបកាលពីប៉ុន្មានថ្ងៃមុននេះ គឺ ជាទីតាំងកំប៉ិកកំប៉ុកប៉ុណ្ណោះ។ នៅមានទីតាំងធំដុំជាងនេះច្រើនកន្លែងទៀត ដែលស្ថិតនៅចំកណ្ដាលបេះដូង នៃទីក្រុងបេតិកភ័ណ្ឌ (បាត់ដំបង) តែម្ដង ដែលកំពុងផ្ដល់ជាជម្រកដ៏សុខសាន្ត ដល់ក្រុមយុវសិស្សប្រុស ស្រី ប្រមូលផ្ដុំគ្នា បង្ហុយផ្សែង«បារីអេឡិចត្រូនិក»នេះប្រណាំគ្នាយ៉ាងពពាក់ពពូន៕
ចែករំលែកព័តមាននេះ