កងទ័ពកូរ៉េខាងត្បូងគូសបញ្ជាក់កាលពីថ្ងៃទី១០ សីហា ថា កូរ៉េខាងត្បូងបានបា.ញ់កាំភ្លើងធំចំនួន៣គ្រាប់ ទៅកាន់ព្រំដែនសមុទ្រក្នុងសមុទ្រលឿង ក្រោយពីគ្រាប់ផ្លោងរបស់កូរ៉េខាងជើងមួយគ្រាប់ធ្លាក់ជិតព្រំដែនសមុទ្ររវាងកូរ៉េទាំង២។ សេនាធិការដ្ឋានកងទ័ពចម្រុះកូរ៉េខាងត្បូងថ្លែងថា
កងទ័ពកូរ៉េខាងត្បូងគូសបញ្ជាក់កាលពីថ្ងៃទី១០ សីហា ថា កូរ៉េខាងត្បូងបានបាញ់កាំភ្លើងធំចំនួន៣គ្រាប់ ទៅកាន់ព្រំដែនសមុទ្រក្នុងសមុទ្រលឿង ក្រោយពីគ្រាប់ផ្លោងរបស់កូរ៉េខាងជើងមួយគ្រាប់ធ្លាក់ជិតព្រំដែនសមុទ្ររវាងកូរ៉េទាំង២។
សេនាធិការដ្ឋានកងទ័ពចម្រុះកូរ៉េខាងត្បូងថ្លែងថា កងម៉ារីនកូរ៉េខាងត្បូងបានស្តាប់ឮកូរ៉េខាងជើងបាញ់កាំភ្លើងធំ៣គ្រាប់ក្នុងសមុទ្រនៃឆ្នេរសមុទ្រភាគខាងត្បូង កោះ YONGMAE នាវេលាម៉ោង១៣រសៀលថ្ងៃទី១០ សីហា ហើយបន្ទាប់មកបានបាញ់នាវេលាម៉ោង១៤នូវកាំភ្លើងធំធុន K9 ចំនួន៣គ្រាប់តបតវិញ ។
កោះ YONGMAE ស្ថិតនៅចម្ងាយ១១គីឡូម៉ែត្រពីខ្សែបន្ទាត់ពុះចែកព្រំដែនសមុទ្ររវាងកូរ៉េទាំង២ និងចម្ងាយ១៩គីឡូម៉ែត្រ ពីកោះ YEONPYEONG ដែលធ្លាប់រងការខូចខាតធ្ងន់ធ្ងរ ដោយសារការបាញ់កាំភ្លើងធំ របស់កូរ៉េខាងជើងកាលពីខែវិច្ឆិកា ឆ្នាំ២០១០ ។ កន្លែងពិតប្រាកដនៃការធ្លាក់គ្រាប់ផ្លោងនេះពុំត្រូវបានបញ្ជាក់ឡើយ ៕
ចែករំលែកព័តមាននេះ