រាជធានីភ្នំពេញ ៖ ជនង្ស័យ២នាក់ ម្នាក់ជាមន្ត្រីនគរបាលព្រហ្មទណ្ឌ កាលពីវេលាម៉ោង២និង៤៥នាទីថ្ងៃទី៧ សីហា ត្រូវបានសមត្ថកិច្ចការិយាល័យប្រឆាំងគ្រឿងញៀនរាជធានីឃាត់ខ្លួន បញ្ជូនទៅកាន់សាលាដំបូងរាជធានី ដោយជាប់ពាក់ព័ន្ធក្នុងអំពើជួញដូរគ្រឿងញៀ.ននិងមានអាវុធ ខុសច្បាប់ ។
រាជធានីភ្នំពេញ ៖ ជនង្ស័យ២នាក់ ម្នាក់ជាមន្ត្រីនគរបាលព្រហ្មទណ្ឌ កាលពីវេលាម៉ោង២និង៤៥នាទីថ្ងៃទី៧ សីហា ត្រូវបានសមត្ថកិច្ចការិយាល័យប្រឆាំងគ្រឿងញៀនរាជធានីឃាត់ខ្លួនបញ្ជូនទៅកាន់សាលាដំបូងរាជធានី ដោយជាប់ពាក់ព័ន្ធក្នុងអំពើជួញដូរគ្រឿងញៀននិងមានអាវុធខុសច្បាប់ ។
ជនសង្ស័យម្នាក់ឈ្មោះផៃ សុវណ្ណ ហៅខ្លា អាយុ១៩ឆ្នាំ និងម្នាក់ទៀតឈ្មោះវិចិត្រ រចនា ហៅចាន់ណា អាយុ២៦ឆ្នាំ ជាមន្ត្រីនគរបាលព្រហ្មទណ្ឌ ។
ជាមួយនឹងការឃាត់ខ្លួនជនសង្ស័យទាំង២នាក់ខាងលើ សមត្ថកិច្ចដកហូតបានជញ្ជីងថ្លឹងគ្រឿងញៀន១គ្រឿង ទូរស័ព្ទ៣គ្រឿង អាវុធខ្លីម៉ាកកា៥៩ មួយដើម គ្រាប់៧គ្រាប់ ប្រាក់១១០ដុល្លារ ប្រាក់រៀល៣ម៉ឺនរៀល អត្តសញ្ញាណប័ណ្ណនគរបាលជាតិ១សន្លឹក វិញ្ញាបនបត្រត្រួតពិនិត្យក្របខណ្ឌមន្ត្រីនគរបាលជាតិលើកទី៣ មួយសន្លឹក ប័ណ្ណសម្គាល់សមាជិកសហគមន៍មិត្តនគរបាលមួយសន្លឹក ម៉ូតូម៉ាកអាយខន មួយគ្រឿង ម្សៅថ្នាំញៀនចំនួន៣ថង់តូច ស្មើ០,៨១ក្រាម ម្សៅថ្នាំញៀនពណ៌ស២ថង់តូច និងឧបករណ៍ សម្ភារប្រើប្រាស់គ្រឿងញៀនមួយចំនួនទៀត ។
ទាក់ទិននឹងការឃាត់ខ្លួនជនសង្ស័យ២នាក់ នេះលោកវរសេនីយ៍ទោទៀង ច័ន្ទខន្តិសារ ប្រធានការិយាល័យប្រឆាំងគ្រឿងញៀនរាជធានីភ្នំពេញឱ្យដឹងថា នៅថ្ងៃទី៧ សីហា វេលាម៉ោង២និង៤៥នាទី បានការអនុញ្ញាតផ្ទាល់មាត់តាមរយៈទូរស័ព្ទពីលោកឯក ឆេងហួត ព្រះរាជអាជ្ញារងអមសាលាដំបូងរាជធានីភ្នំពេញ កម្លាំងជំនាញការិយាល័យរបស់លោកបានចុះបង្ក្រាបជាក់ស្តែងលើករណីជួញដូរគ្រឿងញៀននៅចំណុចស្ថានីយប្រេងឥន្ធនៈតូតាល់ ក្បែរអាងទឹកស្តាតអូឡាំពិកក្នុង សង្កាត់វាលវង់ ខណ្ឌ៧មករា។
លោកទៀង ច័ន្ទខន្តិសារបានបន្តថា ពេលឃាត់ខ្លួននោះ ខណៈពេលជនសង្ស័យកំពុងនាំយកគ្រឿងញឿនទៅជួញដូរឱ្យមនុស្សផ្សេង តែត្រូវសមត្ថកិច្ចយើងឃាត់ទាន់ដែលក្នុងនោះម្នាក់មានអាវុធខ្លីមួយដើមផង ។ ក្រោយពីឃាត់ខ្លួន ជនសង្ស័យត្រូវបានកសាងសំណុំរឿងបញ្ជូនទៅកាន់សាលាដំបូងរាជធានីដើម្បីចាត់ការតាមផ្លូវច្បាប់ ៕
ចែករំលែកព័តមាននេះ