ប្រធានាធិបតីអាមេរិក លោកបារ៉ាក់ អូបាម៉ា កាលពីថ្ងៃទី៩ សីហា បានអញ្ជើញចូលរួមនៅឯមូលដ្ឋានកងទ័ពអាកាសដូវ័រ នៅDELEWARE ក្នុងពិធីគោរពវិញ្ញាណក្ខ័ន្ធបណ្តាទាហាននៃកងកម្លាំងពិសេស NAVY SEAL និងទាហានដទៃៗទៀតដែលស្លា.ប់ក្នុងការធ្លាក់ឧទ្ធម្ភាគចក្រដែលពួកគេជិះនៅអាហ្វហ្គានីស្ថាន។
ប្រធានាធិបតីអាមេរិក លោកបារ៉ាក់ អូបាម៉ា កាលពីថ្ងៃទី៩ សីហា បានអញ្ជើញចូលរួមនៅឯមូលដ្ឋានកងទ័ពអាកាសដូវ័រ នៅDELEWARE ក្នុងពិធីគោរពវិញ្ញាណក្ខ័ន្ធបណ្តាទាហាននៃកងកម្លាំងពិសេស NAVY SEAL និងទាហានដទៃៗទៀតដែលស្លាប់ក្នុងការធ្លាក់ឧទ្ធម្ភាគចក្រដែលពួកគេជិះនៅអាហ្វហ្គានីស្ថាន។
យោងតាមសេតវិមាន និងក្រសួងការពារប្រទេសអាមេរិកថា លោកអូបាម៉ាបានទៅកាន់មូលដ្ឋានអាកាសចរណ៍នោះតាមឧទ្ធម្ភាគចក្រនាពេលរសៀល។ ពេលទៅដល់មូលដ្ឋានដូវ័រលោកត្រូវបានទទួលនៅលើផ្លូវយន្តហោះ ហើយនាំលោកទៅកាន់យន្តហោះកាហ្គោធុនC-17ចំនួន២គ្រឿងដែលដឹកសពទាហានទាំងនោះ។ លោកបានឡើងចូលក្នុងយន្តហោះមួយគ្រឿងក្នុងចំណោមយន្តហោះទាំង២គ្រឿងនោះអមដំណើរដោយទីប្រឹក្សាយោធារបស់លោក ហើយស្ថិតក្នុងនោះមួយរយៈដើម្បីគោរពវិញ្ញាណក្ខ័ន្ធពួកគេ។
បន្ទាប់មកលោកបានចូលទៅក្នុងយន្តហោះទី២ដើម្បីគោរពវិញ្ញាណក្ខ័ន្ធសពទាហានទាំងឡាយដឹកក្នុងយន្តហោះនេះទៀត។ យន្តហោះទាំង២គ្រឿងដឹកសពទាហានអាមេរិក៣០នាក់ដែលឧទ្ធម្ភាគចក្រធុន CH-47 CHINOOK របស់ពួកគេត្រូវបាញ់ធ្លាក់ដោយគ្រាប់រ៉ុក្កែតរបស់ពួកតាលីបង់កាលពីថ្ងៃទី៦ សីហា កន្លងមកនេះ។ នេះជាការបាត់បង់ទាហានអាមេរិកយ៉ាងច្រើនបំផុតក្នុងរយៈពេលតែមួយថ្ងៃក្នុងការវាយប្រហារនៅអាហ្វហ្គានីស្ថានពុំធ្លាប់មានតាំងពីចាប់ផ្តើមជម្លោះនៅប្រទេសនោះពីឆ្នាំ២០០១មក ៕
ចែករំលែកព័តមាននេះ