ចំណេះដឹង៖ យោងតាមការចុះផ្សាយពីប្រភពបរទេស មនុស្សជាច្រើនគិតថា កក់សក់រាល់ថ្ងៃធ្វើឱ្យសក់ស្អាត និងមានសុខភាពល្អ ប៉ុន្តែជាក់ស្តែង មិនមែនគ្រប់គ្នាត្រូវកក់សក់រាល់ថ្ងៃទេ។ ការកក់ញឹកញាប់ពេកអាចលាងយកជាតិប្រេងធម្មជាតិចេញច្រើនពេក ធ្វើឱ្យស្បែកក្បាលស្ងួត រមាស់ និងសក់ស្ងួត ឬងាយបាក់។

ជាពិសេស អ្នកដែលមានសក់ស្ងួត សក់រួញ ឬធ្លាប់លាបពណ៌ បំប្លិច ឬកក់សក់ដោយសារធាតុគីមី អាចងាយរងផលប៉ះពាល់ជាងមុន។

ផ្ទុយទៅវិញ អ្នកដែលមានស្បែកក្បាលប្រេងច្រើន ញើសច្រើន ឬធ្វើសកម្មភាពដែលបណ្តាលឱ្យញើសញឹកញាប់ អាចត្រូវការកក់សក់ជារៀងរាល់ថ្ងៃ។ ដូច្នេះ មិនមានចំនួនដងថេរដែលសមស្របសម្រាប់មនុស្សគ្រប់គ្នាទេ។

ពេលកក់សក់ គួរប្រើចុងម្រាមដៃម៉ាស្សាស្បែកក្បាលថ្នមៗ ជៀសវាងក្រចកកោសខ្លាំង ព្រោះអាចបង្កការរលាក។ គួរជ្រើសរើសសាប៊ូកក់សក់ឱ្យសមនឹងប្រភេទសក់ និងលាងទឹកឱ្យស្អាត ដើម្បីកុំឱ្យមានសំណល់ផលិតផលជាប់លើស្បែកក្បាល។

សរុប៖ កក់សក់រាល់ថ្ងៃមិនមែនខុសសម្រាប់មនុស្សគ្រប់គ្នាទេ។ អ្វីដែលសំខាន់គឺសង្កេតសភាពសក់ និងស្បែកក្បាលរបស់ខ្លួន ហើយកំណត់ភាពញឹកញាប់ឱ្យសមស្រប ដើម្បីរក្សាទាំងភាពស្អាត និងសំណើមធម្មជាតិរបស់សក់៕