ប៉េអឹមកំពុងសួរនាំក្រុមក្មេ.ង.អន្ធ.ពា.លចំនួន១០នាក់ ពាក់ព័ន្ធករណីស្ទាក់កា.ប់ប្ល.ន់ម៉ូតូនិងកា.ប់កម្ទេចចោល
- បាត់ដំបង
ខេត្តបាត់ដំបង ៖ កម្លាំងជំនាញនៃបញ្ជាការកងរាជអាវុធហត្ថខេត្ត កាលពីរសៀលថ្ងៃទី ២១ សីហា នេះ បាននិងកំពុងបន្តសួរចម្លើយក្រុមចោរវ័យក្មេងៗ ដែលបម្លែងខ្លួនពីក្រុមក្មេងទំនើងប្រមាណ១០នាក់ ក្នុងនោះ មានស្រីម្នាក់ផង ដែលត្រូវឃាត់ខ្លួនបានជាបន្តបន្ទាប់ក្នុងសំណុំរឿងជិះម៉ូតូតាមស្ទាក់កាប់ «ប្លន់យកម៉ូតូ» និងស្ទាក់ «កាប់កម្ទេចម៉ូតូ» របស់គូសត្រូវនៅពេលយប់ ។
យោងតាមព័ត៌មានបឋមពីលោក សូ ឌី ប្រធានមន្ទីរស្រាវជ្រាវប្រឆាំងបទល្មើសបានឲ្យដឹងថា ក្រុមជនសង្ស័យវ័យក្មេងៗទាំង១០នាក់នោះ ត្រូវបានកម្លាំងជំនាញធ្វើការស្រាវជ្រាវ តាមឃាត់បានជាបន្តបន្ទាប់ ចាប់តាំងពីថ្ងៃទី២០ រហូតមកទល់នឹងរសៀលថ្ងៃទី២១ សីហា នេះ ហើយពេលនេះ មន្ត្រីជំនាញបាននិងកំពុងសួរនាំនៅឡើយ ។
លោក សូ ឌី បានប្រាប់ថា ក្នុងចំណោមជនសង្ស័យទាំង១០នាក់នេះ មានស្រីម្នាក់ផង ។ ក្រុមនេះ មានជាប់ពាក់ព័ន្ធនឹងអំពើជិះម៉ូតូតាមស្ទាក់កាប់ «ប្លន់យកម៉ូតូ» និងតាមស្ទាក់«កាប់កម្ទេចម៉ូតូចោល» បើគ្មានឱកាសប្លន់ ។
បើតាមចម្លើយបឋមដែលក្រុមនេះបានសារភាព ក្រុមនេះធ្លាប់បានធ្វើសកម្មភាពជាច្រើនករណីកន្លងមកហើយ ប៉ុន្តែជាក់ស្ដែងប៉ុន្មានលើកចុងក្រោយនេះ ធ្វើឡើងនៅយប់ថ្ងៃទី ១៧ និង១៨ សីហា លុះនៅថ្ងៃទី២០ និង២១ សីហា ទើបត្រូវកម្លាំងកងរាជអាវុធហត្ថ ធ្វើការស្រាវជ្រាវតាមឃាត់ខ្លួនក្រុមចោរហារយនេះបានជាបន្តបន្តាប់ ពេលពួកគេកំពុងប្រមូលផ្ដុំគ្នានៅក្នុងបន្ទប់ជួលមួយកន្លែងនៅភូមិកម្មករ សង្កាត់ស្វាយប៉ោ ក្រុងបាត់ដំបង ជាមួយនឹងវត្ថុតាងសម្រាប់ធ្វើសកម្មភាពរួមមាន៖ កាំបិត ដាវ ដំបង និងដែកបំពង់ទីប ។
ពេលនេះ មន្ត្រីជំនាញបាននិងកំពុងបន្តនីតិវិធីនៅឡើយ មុនពេលបញ្ចប់ការកសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ