សមត្ថកិច្ចច្រកភ្នំដិន ប្រគល់ជនជាតិវៀតណាម ៤៧នាក់ ពាក់ព័ន្ធបទល្មើស ៦ករណី ឱ្យអាជ្ញាធរវៀតណាម
- តាកែវ
ខេត្តតាកែវ : នៅថ្ងៃសុក្រ ទី២១ ខែសីហា ឆ្នាំ២០២៦ លោកវរសេនីយ៍ឯក ឈួន សុវណ្ណនរា ប្រធានប៉ុស្តិ៍នគរបាលបន្តោប្រវេសន៍ច្រកទ្វារអន្តរជាតិភ្នំដិន បានដឹកនាំកម្លាំងប៉ុស្តិ៍សហការជាមួយក្រុមការងារនាយកដ្ឋានស៊ើបអង្កេត និងអនុត្តន៍នីតិវិធី ដឹកនាំដោយ លោកឧត្តសេនីយ៍ត្រី សុខ ហេង អនុប្រធាននាយកដ្ឋាន ធ្វើការបណ្តេញចេញនូវជនជាតិវៀតណាមចំនួន ៤៧នាក់ ស្រី ១១នាក់ ចេញពីព្រះរាជាណាចក្រកម្ពុជាតាមច្រកទ្វារព្រំដែនអន្តរជាតិភ្នំដិន ខេត្តតាកែវ ។
លោកវរសេនីយ៍ឯកឈួន សុវណ្ណនរា បានអោយដឹងថាជនជាតិវៀតណាមទាំងអស់នេះមានជាប់ពាក់ព័ន្ធចំនួន០៦ករណី និងអនុវត្តទោសចប់(-លួច និងប្រើប្រាស់ដោយខុសច្បាប់នូវសារធាតុញៀន ០១នាក់ -ប្រើប្រាស់ដោយខុសច្បាប់នូវសារធាតុញៀន ០១នាក់ -រក្សាដោយខុសច្បាប់នូវសារធាតុញៀន ០២នាក់ -ធ្វើជាភ្នាក់ងារល្បែងស៊ីសងខុសច្បាប់ ល្បែងអនឡាញ ០៥នាក់ -លួចស្នាក់នៅធ្វើការខុសច្បាប់ និងគ្មានលិខិតឆ្លងដែន ០២នាក់ -លួច ០១នាក់ -ធ្វើការងារខុសច្បាប់ និងគ្មានលិខិតឆ្លងដែន ONLINE SCAMS ៣៥នាក់) ក្រោយពីបានត្រួតពិនិត្យ ផ្ទៀងផ្ទាត់ចំនួនមនុស្សគ្រប់ចំនួន ប៉ុស្តិ៍បានធ្វើកំណត់ហេតុប្រគល់ទទួលជនជាតិវៀតណាម ខាងលើ ជូនទៅសមត្ថកិច្ចអង្គភាពយោធាការពារព្រំដែនប៉ុស្តិ៍ច្រកទ្វារអន្តរជាតិទិញបៀន ខេត្តអានយ៉ាង ដើម្បីអនុវត្តនីតិវិធីបន្ត ៕
ចែករំលែកព័តមាននេះ