ជនសង្ស័យម្នាក់ជិះម៉ូតូដើរលួ.ច ក្នុងសង្កាត់ទឹកល្អក់ទី៣សំណាងអាក្រ.ក់ជួបកម្លាំងល្បាត
- ភ្នំពេញ
រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងល្បាតនៃអធិការដ្ឋានខណ្ឌទួលគោកឃាត់ខ្លួនបន្ទាប់ពីជិះម៉ូតូធ្វើសកម្មភាពប៉ុនប៉ងលួចនៅតាម បណ្តោយផ្លូវលេខ២៤៥ កែងផ្លូវលេខ២២០ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញហើយប្រទះនឹងកម្លាំងសមត្ថកិច្ច។
ជនសង្ស័យរូបនោះឈ្មោះ ឈុន រដ្ឋា ហៅរដ្ឋា ភេទប្រុស អាយុ៣៤ឆ្នាំ មុខរបរ មិនប្រាកដ ស្នាក់នៅផ្ទះជួល ផ្លូវបេតុង ម្តុំលូ៥ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ (មានសារធាតុញៀន) ។
តាមនគរបាលខណ្ឌទួលគោកបានឲ្យដឹងថានៅថ្ងៃទី២០ ខែសីហា ឆ្នាំ២០២៦ វេលាម៉ោង០៤និង៣០នាទីទៀបភ្លឺ កម្លាំងល្បាត នៃអធិការដ្ឋានបានធ្វើការឃាត់ខ្លួនជនសង្ស័យ០១នាក់ ពាក់ព័ន្ធនឹងបទល្មើស ប៉ុនប៉ងលួច ឃាត់ខ្លួននៅចំណុចបណ្តោយផ្លូវលេខ២៤៥ កែងផ្លូវលេខ២២០ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។បន្ទាប់ពីឃាត់ខ្លួនសមត្ថកិច្ចដករហូតៈដែកកែច្នៃសម្រាប់កាច់កម៉ូតូចំនួន ១ និងដែកខ្សៀចំនួន០១,បំពង់កែច្នៃសម្រាប់ជក់គ្រឿងញៀនចំនួន ១ និងដែកកេះ ចំនួន០១ ,ម៉ូតូ០១គ្រឿង (ម៉ូតូម៉ាក Honda Scoopy-i ពណ៌ស ពាក់ស្លាក់លេខ ភ្នំពេញ 1FD-5295 ។
បច្ចុប្បន្ន: ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕
ចែករំលែកព័តមាននេះ