សេចក្តីសម្រេចស្តីពីការបង្កើតក្រុមការងារហិរញ្ញវត្ថុបៃតង ត្រូវបានប្រមុខរាជរដ្ឋាភិបាលកម្ពុជាសម្រេចហើយ ដូចនេះនៅពេលខាងមុខគម្រោងដែលពាក់ព័ន្ធនឹងសេដ្ឋកិច្ចបៃតង អាចទទួលការលើកទឹកចិត្ត ។
តាមសេចក្តីសម្រេចដែលសម្តេចធិបតី ហ៊ុន ម៉ាណែត បានចុះក្រុមការងារហិរញ្ញវត្ថុបៃតងនេះ មានសមាសធាតុចម្រុះ ដែលដឹកនាំដោយធនាគារជាតិនៃកម្ពុជា ហើយមានសមាជិកមកពីស្ថាប័នជាច្រើន រាប់តាំងពីទីស្តីការគណរដ្ឋមន្ត្រី ក្រសួងបរិស្ថាន ក្រសួងឧស្សាហកម្ម ក្រសួងរ៉ែនិងថាមពល ក្រសួងពាណិជ្ជកម្ម ក្រសួងកសិកម្ម ក្រសួងផែនការ ក្រសួងដែនដី ក្រសួងសេដ្ឋកិច្ចជាដើម។
ក្រុមការងារហិរញ្ញវត្ថុបៃតងនេះនឹងរៀបចំគោលនយោបាយ យុទ្ធសាស្ត្រ និងវិធានការកៀរគរហិរញ្ញវត្ថុ យុទ្ធសាស្ត្រ និងវិធានការកៀគរហិរញ្ញវត្ថុបៃតង សម្រាប់គាំទ្រដល់គោលដៅអភិវឌ្ឍន៍ប្រកបដោយចីរភាពរបស់ប្រទេស ។
ហិរញ្ញវត្ថុបៃតង គឺជាប្រភព ឬជាសកម្មភាពដែលពាក់ព័ន្ធនឹងកម្ចីពីស្ថាប័នហិរញ្ញវត្ថុពាក់ព័ន្ធនឹងគម្រោងដែលមានអត្ថប្រយោជន៍ផ្នែកបរិស្ថាន គម្រោងដែលអាចសន្សំសំចៃ និងកាត់បន្ថយការបញ្ចេញកាបូន គម្រោងគាំទ្រហិរញ្ញវត្ថុសម្រាប់គម្រោងថាមពលស្អាត និងកកើតឡើងវិញ ។ល។
ចែករំលែកព័តមាននេះ