ខេត្តបន្ទាយមានជ័យ ៖ យោងតាមហ្វេសប៊ុករបស់ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានឲ្យដឹងថា ៖ «ថ្ងៃទី១៨ សីហា ២០២៦ កម្លាំងវរសេនាតូចលេខ៥១១ ចំណុះកងពលតូចថ្មើរជើងលេខ៥១ សហការជាមួយ កម្លាំងវរសេនាតូចនគរបាលការពារព្រំដែនគោក៨១៥ ចំណុះស្នងការនគរបាលខេត្តបន្ទាយមានជ័យ បង្ក្រាបបានទឹកដោះគោជូរ Blueberry ចំនួន ៣៥ការ៉ុង នៅភូមិអូរស្រឡៅ ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ» ។
ករណីបង្ក្រាបបានទឹកដោះគោជូរខាងលើនេះ មហាជនអាចសន្និដ្ឋានបានថា ពួកក្រុមឈ្មួញទុច្ចរិត នៅតែចិញ្ចឹមចិត្តក្នុងការនាំទំនិញពីប្រទេសថៃ ចូលមកក្នុងប្រទេសកម្ពុជា ។
សូមជម្រាបផងដែរថា កាលពីថ្ងៃទី១៥ ខែសីហា ឆ្នាំ២០២៦ នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បុរស២នាក់ ត្រូវបានកម្លាំងសមត្ថកិច្ចការពារព្រំដែន ចាប់ឃាត់ខ្លួន ក្រោយលួចនាំទំនិញពីប្រទេសថៃ ចូលមកកម្ពុជា ៕
ចែករំលែកព័តមាននេះ