ប៉ូលិសជាច្រើនពាន់នាក់ត្រូវបានដាក់ពង្រាយក្នុងវិថីទាំងឡាយនៃទីក្រុងឡុងដ៍ កាលពីយប់ថ្ងៃទី៩ សីហា ដើម្បីរារាំងការប្លន់ និងការបះបោរដែលចលនាបែបនេះផ្ទុះឡើងពីថ្ងៃទី៦ សីហា មក ឥឡូវបានរាលដាលដល់ទីក្រុងអង់គ្លេសជាច្រើនទៀត។ ក្នុងថ្ងៃទី៤នៃអំពើហិ.ង្សា ឧប្បត្តិហេតុថ្មីៗ
ប៉ូលិសជាច្រើនពាន់នាក់ត្រូវបានដាក់ពង្រាយក្នុងវិថីទាំងឡាយនៃទីក្រុងឡុងដ៍ កាលពីយប់ថ្ងៃទី៩ សីហា ដើម្បីរារាំងការប្លន់ និងការបះបោរដែលចលនាបែបនេះផ្ទុះឡើងពីថ្ងៃទី៦ សីហា មក ឥឡូវបានរាលដាលដល់ទីក្រុងអង់គ្លេសជាច្រើនទៀត។
ក្នុងថ្ងៃទី៤នៃអំពើហិង្សា ឧប្បត្តិហេតុថ្មីៗត្រូវបានរាយការណ៍នៅក្រុង WOLVERHAMP-TON និងក្រុង WEST BROMWICH ជាទីក្រុង២ ស្ថិតនៅកណ្តាលប្រទេសអង់គ្លេសដែលនៅទីនោះហាងទំនិញត្រូវគេលុកចូលប្លន់ និងបំផ្លាញ ហើយរថយន្តជាច្រើនគ្រឿងត្រូវដុតកម្ទេច ក៏ប៉ុន្តែនៅទីក្រុងកីឡាបាល់ទាត់ MAN-CHESTER និងក្នុងទីក្រុង SALFORD ជិតខាងក៏កើតមានចលនាបែបនេះដែរ។
អ្នកនាំពាក្យម្នាក់របស់ប៉ូលិសក្រុង MAN-CHESTER បញ្ជាក់ថា ហាងទំនិញមួយកំពុងត្រូវភ្លើងឆេះ ហើយយុវជនចំនួន២០០នាក់ ដែលប្រមូលផ្តុំគ្នានៅកណ្តាលទីក្រុងនោះ បានត្រូវប៉ូលិសបំបែក។ ការបះបោរកើតមានរួចហើយកាលពីថ្ងៃទី៨ សីហា នៅក្រុង BIRMINGHAM (ភាគកណ្តាល) ក្រុង BRISTOL (ភាគនិរតី) និងក្រុង LIVERPOOL (ភាគពាយ័ព្យ) និងសង្កាត់ជាច្រើននៃជាយទីក្រុងឡុងដ៍ ដូចជាសង្កាត់ HACKNEY និងសង្កាត់ CROYDON ជាដើម។
នាយករដ្ឋមន្ត្រីអង់គ្លេស លោកដាវីដ កាមីរ៉ូន ត្រូវបង្ខំចិត្តកាត់បន្ថយពេលសម្រាកវិស្សមកាលនៅអ៊ីតាលី ដើម្បីវិលមកប្រទេសវិញ ដោយប្រកាសពង្រឹងកម្លាំងប៉ូលិស ហើយកោះប្រជុំវិសាមញ្ញសភាជាបន្ទាន់នាថ្ងៃទី១១ សីហា។ រូបភាពពួកយុវជនដែលពាក់មុខលុកចូលប្លន់ហាងទំនិញ និងអគារទាំងឡាយត្រូវភ្លើងឆេះត្រូវបានផ្សាយតាមទូរទស្សន៍អង់គ្លេស នានាដែលធ្វើឱ្យប៉ះពាល់យ៉ាងខ្លាំងដល់មុខមាត់ប្រទេសអង់គ្លេសដែលសល់ពេល១ឆ្នាំទៀតត្រូវរៀបចំការប្រកួតកីឡាអូឡាំពិក ទីក្រុងឡុងដ៍ ។ មនុស្ស៤៥០នាក់ត្រូវបានចាប់ខ្លួនរួចហើយ ៕
ចែករំលែកព័តមាននេះ